كولشىك كوشە: ەلورداداعى تۇران داڭعىلىنىڭ ۋچاسكەسى ۋاقىتشا جابىلدى
استانا. KAZINFORM - كوللەكتوردە جۇرگىزىلىپ جاتقان جۇمىستارعا بايلانىستى تۇران داڭعىلىنىڭ كەرەي، جانىبەك حاندار كوشەسىنەن ۇلى دالا داڭعىلىنا دەيىنگى ۋچاسكەسى 26-مامىر كۇنى ۋاقىتشا جابىلدى، دەپ حابارلايدى ەلوردا اكىمدىگىنىڭ باسپا ءسوز قىزمەتى.
جەرگىلىكتى جەردە كوممۋنالدىق قىزمەتتەر جۇمىس ىستەيدى. تۇران داڭعىلىنداعى بۇل كوللەكتور جاڭبىر سۋى مەن كارىز قالدىقتارىن جينايدى. نوسەرلى كارىز كوللەكتورلارى تولىق قۋاتتا جۇمىس ىستەيدى.
سونداي- اق، كوللەكتوردىڭ جۇمىسى جەكە قۇرىلىس سالۋشىلار مەن ءبىرقاتار ءۇيدىڭ زاڭسىز قوسىلۋىنا بايلانىستى شامادان تىس جۇكتەلەدى، ونىڭ ىشىندە تۇرمىستىق زاتتار، قۇرىلىس ماتەريالدارى جانە ت. ب. كارىزگە تاستايتىندار با جوق ەمەس.
قازىرگى ۋاقىتتا تۇران داڭعىلىندا تاعى ءبىر ماگيسترالدىق كارىز كوللەكتورىنىڭ قۇرىلىسى جۇرگىزىلۋدە. ونىڭ ۇزىندىعى - 8 ك م، بۇل قولدانىستاعى كوللەكتوردىڭ ۇزىندىعىنان ۇلكەن. ماگيسترالدىق كارىز كوللەكتورىنىڭ تولىق اياقتالۋى وسى جىلدىڭ كۇزىنە جوسپارلانىپ وتىر.
وسى جىلدىڭ ماۋسىم ايىنىڭ سوڭىندا نوسەر كارىز جۇيەسىن وتكىزەتىن كارىز كوللەكتورىنىڭ 1- كەزەگىن ىسكە قوسۋ جوسپارلانىپ وتىر. قازىرگى ۋاقىتتا قوسىمشا سورعىلاردى ورناتۋ جانە ىسكە قوسۋ جۇمىستارى جۇرگىزىلۋدە. بۇل كوللەكتوردىڭ قۇرىلىسى مەن ىسكە قوسىلۋى سول جاعالاۋداعى باسقا كوللەكتورلاردىڭ جۇمىسىن جەڭىلدەتەدى.