كوكتايعاق، ەكپىندى جەل، سۋىق: سينوپتيكتەر ەل تۇرعىندارىنا تاعى دا ەسكەرتۋ جاسادى

«قازگيدرومەت» ر م ك سينوپتيكتەرىنىڭ اقپاراتىنا سايكەس، 2023 -جىلعى 16-21-جەلتوقسان ارالىعىندا ەلدىڭ باتىس بولىگىنەن كەلە جاتقان سيكلوننان اۋا رايى كۇرت بۇزىلۋى ىقتيمال.

بۇل تۋرالى Kazinform رەسپۋبليكالىق ماڭىزى بار اۆتوموبيل جولدارىنىڭ ۇلتتىق وپەراتورىنا سىلتەمە جاساپ حابارلايدى.

سونىمەن، الداعى بىرنەشە كۇندە ءبىرقاتار ايماقتا قاتتى جاۋىن جاۋىپ، تەمپەراتۋرانىڭ تومەندەۋى، كوكتايعاق بولىپ، ەكپىندى جەل تۇرۋى، وسىنىڭ سالدارىنان جولدىڭ كورىنۋى قيىنداۋى مۇمكىن.

سونىمەن قاتار، 16-17-جەلتوقسان ارالىعىندا تسيكلون باتىس قازاقستان، اقتوبە، ماڭعىستاۋ وبلىستارىنىڭ اۋماعىنان ءوتىپ، قالىڭ قار جاۋىپ، ەكپىندى جەل تۇرىپ، بوران سوعۋى ىقتيمال.

18-جەلتوقساننان باستاپ سيكلون ەلدىڭ سولتۇستىك، ورتالىق جانە شىعىس بولىكتەرىنە اۋىسىپ، كۇن كۇرت بۇشىلادى.

«وسىعان بايلانىستى، «قازاۆتوجول» بولىمشەلەرى كۇشەيتىلگەن جۇمىس رەجيمىنە اۋىستىرىلاتىن بولادى. كەزەكشىلىككە 500 گە جۋىق ارنايى تەحنيكا مەن 700 جولشىلار جۇمىلدىرىلماق»، - دەلىنگەن حابارلامادا.