كوكتايعاق، بۇرقاسىن: 17 وڭىردە داۋىلدى ەسكەرتۋ جاريالاندى

استانا. KAZINFORM - قازگيدرومەت 7-قاراشا ەلىمىزدىڭ ءبىرقاتار وڭىرىندە اۋا رايىنا بايلانىستى ەسكەرتۋ جاريالادى.

«قازگيدرومەت» ر م ك سينوپتيكتەرى ءتورت وڭىردە قار ءتۇسىپ، بوران ۇيىتقيدى دەپ بولجايدى.

قاراعاندى وبلىسىنىڭ باتىسىندا، سولتۇستىگىندە، شىعىسىندا كوكتايعاق بولىپ، جاياۋ بۇرقاسىن جۇرەدى دەپ كۇتىلەدى. وبلىستىڭ باتىسىندا، سولتۇستىگىندە، شىعىسىندا، ورتالىعىندا وڭتۇستىك- باتىستان سوققان جەلدىڭ ەكپىنى 15-20 م/س، كەي تۇستا 23-28 م/س، ءتىپتى 30 م/س جانە ودان اسادى.

تۇندە اتىراۋ وبلىسىنىڭ باتىسىندا كوكتايعاق بولادى دەپ كۇتىلەدى. تۇندە جانە تاڭەرتەڭ وبلىستىڭ باتىسىندا، وڭتۇستىگىندە تۇمان تۇسەدى. باتىستان، وڭتۇستىك- باتىستان سوققان جەلدىڭ كۇندىز وبلىستىڭ باتىسىندا، وڭتۇستىگىندە ەكپىنى 15-20 م/س قۇرايدى. اتىراۋدا دا كۇندىز كوكتايعاق بولادى دەپ كۇتىلەدى.

ماڭعىستاۋ وبلىسىندا كوكتايعاق بولادى، بۇرشاق تۇسەدى دەپ بولجانادى. وبلىستىڭ سولتۇستىك- شىعىسىندا تۇمان تۇسەدى. وبلىستىڭ باتىسىندا، وڭتۇستىك- شىعىسىندا باتىستان، سولتۇستىك- باتىستان جەل سوعادى، ەكپىنى 15-20 م/س، كەي ۋاقىتتاردا 23 م/س دەيىن جەتەدى. اقتاۋدا تۇندە كوكتايعاق بولىپ، كۇندىز بۇرشاق جاۋادى دەپ كۇتىلەدى. سولتۇستىك- باتىستان جەل سوعادى، ەكپىنى — 15-20 م/س.

تۇندە جانە تاڭەرتەڭ باتىس قازاقستان وبلىسىنىڭ سولتۇستىگىندە تۇمان تۇسەدى دەپ كۇتىلەدى. كۇندىز كوكتايعاق، وبلىستىڭ باتىسىندا، وڭتۇستىگىندە جاياۋ بۇرقاسىن جۇرەدى دەپ كۇتىلەدى. جەل باتىستان، سولتۇستىك- باتىستان سوعادى، وبلىستىڭ باتىسىندا، وڭتۇستىگىندە كۇندىزگى ەكپىنى 15-20 م/س قۇرايدى. ورالدا تۇندە جانە تاڭەرتەڭ تۇمان، كۇندىز كوكتايعاق بولادى، جاياۋ بۇرقاسىن جۇرەدى دەپ كۇتىلەدى.

تۇندە قوستاناي وبلىسىنىڭ وڭتۇستىگىندە، شىعىسىندا قالىڭ قار جاۋادى دەپ كۇتىلەدى. قوستانايدا تۇندە جانە تاڭەرتەڭ بۇرقاسىڭ ءجۇرىپ، كوكتايعاق بولادى دەپ كۇتىلەدى. سولتۇستىك- باتىستان، باتىستان جەل سوعادى، تۇندەگى ەكپىنى - 15-20 م/س

قىزىلوردا وبلىسىنىڭ باتىسىندا، ورتالىعىندا كوكتايعاق بولادى دەپ كۇتىلەدى. وڭتۇستىك- باتىستان جەل سوعادى، تۇندەگى ەكپىنى - 15-20 م/س، وبلىستىڭ سولتۇستىگىندە سوققان جەل ەكپىنى 23 م/س دەيىن جەتەدى، كۇندىز وبلىستىڭ ورتالىعىندا 15-20 م/س دەڭگەيىندە ساقتالادى. قىزىلوردادا وڭتۇستىك- باتىستان جەل سوعادى، تۇندەگى ەكپىنى 15-20 م/س قۇرايدى.

تۇندە الماتى وبلىسىنىڭ وڭتۇستىگىندە تاۋلى اۋداندارىندا قاتتى جاۋىن- شاشىن (جاڭبىر، قار) بولادى دەپ كۇتىلەدى. وبلىستىڭ وڭتۇستىگىندە، تاۋلى اۋداندارىندا تۇمان ءتۇسىپ، كوكتايعاق بولادى. وبلىستىڭ وڭتۇستىگىندە، تاۋلى اۋداندارىندا سولتۇستىك- شىعىستان سوققان جەلدىڭ ەكپىنى 15-20 م/س قۇرايدى. الماتى مەن قونايەۆ قالالارىندا دا تۇمان بولادى. سولتۇستىك- شىعىستان سوققان جەلدىڭ ەكپىنى 18 م/س بولادى دەپ كۇتىلەدى.

تۇندە جەتىسۋ وبلىسىنىڭ ورتالىعىندا، تاۋلى اۋداندارىندا قاتتى جاۋىن- شاشىن (جاڭبىر، قار) بولادى دەپ كۇتىلەدى. تۇمان، كوكتايعاق بولادى. وبلىستىڭ وڭتۇستىك- باتىسىندا، ورتالىعىندا وڭتۇستىك- باتىستان سوققان جەلدىڭ ەكپىنى 15-20 م/س، كەي تۇستا 23-28 م/س دەيىن جەتەدى. جەتىسۋ وبلىسىنىڭ الاكول كولدەرى اۋدانىندا وڭتۇستىك- باتىستان جەل سوعادى، ەكپىنى 30 م/س جانە ودان دا اسادى دەپ بولجانادى.

تۇندە اقتوبە وبلىسىنىڭ سولتۇستىگىندە، شىعىسىندا جاياۋ بۇرقاسىن جۇرەدى دەپ كۇتىلەدى. جولداردا كوكتايعاق بولادى، باتىستان، وڭتۇستىك- باتىستان سوققان جەلدىڭ تۇندە وبلىستىڭ سولتۇستىگىندە، شىعىسىندا، وڭتۇستىگىندە ەكپىنى 15-20 م/س قۇرايدى. اقتوبەدە دە تۇندە جاياۋ بۇرقاسىن دەپ كۇتىلەدى. باتىستان، وڭتۇستىك- باتىستان سوققان جەلدىڭ تۇندەگى ەكپىنى - 15 م/س.

جامبىل وبلىسىنىڭ وڭتۇستىگىندە، تاۋلى اۋداندارىندا تۇمان، كوكتايعاق بولادى دەپ كۇتىلەدى. وبلىستىڭ وڭتۇستىك- باتىسىندا، سولتۇستىك- شىعىسىندا، تاۋلى اۋداندارىندا وڭتۇستىك- باتىستان سوققان جەلدىڭ ەكپىنى 15-20 م/س، تۇندەگى ەكپىنى 23-28 م/س دەيىن جەتەدى. تارازدا تۇمان بولادى. وڭتۇستىك- باتىستان جەل سوعادى، تۇندە ەكپىنى 15-20 م/س قۇرايدى.

پەتروپاۆل قالاسىندا كوكتايعاق بولىپ، جاياۋ بۇرقاسىن جۇرەدى دەپ كۇتىلەدى. باتىستان سوققان جەلدىڭ ەكپىنى 15-20 م/س، كەي تۇستا 23-28 م/س دەيىن جەتەدى.

كوكشەتاۋدا كوكتايعاق بولىپ، جاياۋ بۇرقاسىن جۇرەدى دەپ كۇتىلەدى. وڭتۇستىك- باتىستان، باتىستان سوققان جەلدىڭ ەكپىنى 15-20 م/س، كەي تۇستا 23-28 م/س دەيىن جەتەدى.

اباي وبلىسىنىڭ سولتۇستىگىندە، شىعىسىندا، وڭتۇستىگىندە كوكتايعاق بولىپ، جاياۋ بۇرقاسىن جۇرەدى دەپ كۇتىلەدى. وبلىستىڭ باتىسىندا، سولتۇستىگىندە، ورتالىعىندا وڭتۇستىك- باتىستان جەل سوققان جەلدىڭ ەكپىنى 15-20 م/س، كەي تۇستا 23-28 م/س، ءتىپتى 30 م/س جانە ودان دا اسادى دەپ كۇتىلەدى. اۋا تەمپەراتۋراسى كۇرت تومەندەيدى. ماسەلەن، وبلىستىڭ وڭتۇستىگىندە كۇن رايى 16 گرادۋس جىلىدان 3 گرادۋس سۋىققا اۋىسادى. سونداي- اق، وبلىستىڭ باتىسىندا 6 گرادۋس سۋىق بولادى دەپ كۇتىلەدى.

شىعىس قازاقستان وبلىسىنىڭ سولتۇستىگىندە، شىعىسىندا قاتتى جاۋىن- شاشىن (جاڭبىر، قار) بولادى دەپ كۇتىلەدى. كوكتايعاق بولىپ، جاياۋ بۇرقاسىن جۇرەدى. وبلىستىڭ باتىسىندا، سولتۇستىگىندە، شىعىسىندا وڭتۇستىك- باتىستان سوققان جەلدىڭ ەكپىنى 15-20 م/س، كەي تۇستا 23-28 م/س، ءتىپتى 30 م/س جانە ودان اسادى دەپ كۇتىلەدى. اۋا تەمپەراتۋراسى وبلىستىڭ شىعىسىندا 3 گرادۋس جىلىدان 3 گرادۋس سۋىققا ۇلاسادى. وبلىستىڭ وڭتۇستىگىندە 5 گرادۋس جىلى بولادى دەپ كۇتىلەدى.

تۇركىستان وبلىسىنىڭ سولتۇستىگىندە، وڭتۇستىگىندە، تاۋلى اۋدانداردا جاۋىن- شاشىن (جاڭبىر، قار) ، تۇمان، كوكتايعاق بولادى دەپ كۇتىلەدى. وبلىستىڭ باتىسىندا، سولتۇستىگىندە، تاۋلى، تاۋ بوكتەرلى اۋداندارىندا باتىستان، وڭتۇستىك- باتىستان جەل سوعادى، ەكپىنى 15-20 م/س، كەي تۇستا 25 م/س دەيىن جەتەدى. اۋا تەمپەراتۋراسىنىڭ تۇندە 5-10, وبلىستىڭ وڭتۇستىگىندە، باتىسىندا، تاۋ بوكتەرلى اۋداندارىندا 13 گرادۋس جىلىدان 1 گرادۋس سۋىققا ۇلاسادى. وبلىستىڭ سولتۇستىگىندە، تاۋلى اۋداندارىندا سىناپ باعانى 4 گرادۋس سۋىقتى كورسەتەدى.

ەسكە سالا كەتەيىك، بۇعان دەيىن اقتوبە، اقمولا، قوستاناي، جامبىل، تۇركىستان وبلىستارىندا كولىك قۇرالدارىنىڭ بارلىق تۇرلەرىنىڭ قوزعالىسى جابىلعانىن جازعان بولاتىنبىز.

استانادا اۋا رايىنا بايلانىستى رەيستەر كەشىكتى.

بۇگىن ەلوردالىق وقۋشىلار قاشىقتان وقيدى.