دارىگەر قايعىلى وقيعادان ءبىر كۇن بۇرىن الماتىداعى دەمالىسىنان ورالعان. قايتىس بولار الدىندا ايەل كوكشەتاۋداعى ەكونوميكالىق تەرگەپ-تەكسەرۋ دەپارتامەنتىنە جاۋاپ الۋعا شاقىرىلعان. ول قىلمىستىق ءىس بويىنشا كۋاگەر رەتىندە ءوتىپ جاتقان.
«ەكونوميكالىق تەرگەپ-تەكسەرۋ دەپارتامەنتىندە نە بولدى؟ دارىگەردىڭ تەلەفونى الىنعان. ايەل ۇيىنە كوڭىل كۇيى ءتۇسىپ ورالعان. اناسىنىڭ ءۇي تەلەفونىنان اپكەسىنە قوڭىراۋ شالعان. كەيىن ءوز ۇيىنە كەتكەن. ال تاڭەرتەڭ جۇمىسقا شىقپاعان. كەشكە ونى اپكەسى تاۋىپ العان. ءمايىتىنىڭ جانىندا اناسىنا ارنالعان قوشتاسۋ حاتى جاتقان. وندا «ساعىنامىن» دەپ جازىلعان»، - دەلىنگەن جاريالانىمدا.
اقمولا وبلىستىق پوليتسيا دەپارتامەنتى بۇل دەرەك بويىنشا قىلمىستىق ءىس قوزعالعانىن حابارلادى.
«الدىن الا مالىمەت بويىنشا، ەسىل اۋدانىنىڭ 38 جاستاعى تۇرعىنى وزىنە قول جۇمساعان. قازىر سوتالدى تەرگەۋ جالعاسىپ جاتىر. وقيعانىڭ سەبەپتەرى مەن ءمان-جايى انىقتالىپ جاتىر. وزگە اقپارات قازاقستان رەسپۋبليكاسى قىلمىستىق-پروتسەستىك كودەكسىنىڭ 201-بابىنا سايكەس جاريا ەتىلمەيدى»، - دەپ مالىمدەدى ۆەدومستۆو وكىلدەرى.