اقمولا وبلىسى پوليتسيا دەپارتامەنتىنىڭ باسپا ءسوز قىزمەتىنىڭ مالىمەتىنشە، كوكشەتاۋ قالاسىندا شاڭحاي دەپ اتالاتىن زاستانتسيوننىي كوپىرى ماڭىندا 11-باعىتتاعى Yutong اۆتوبۋسى مەن «زيل» جۇك كولىگى سوقتىعىستى.
- جول-كولىك وقيعاسىنىڭ سالدارىنان ەكى جۇرگىزۋشى مەن اۆتوبۋس جولاۋشىسى جەڭىل جاراقات الدى. ولار مەديتسينالىق مەكەمەگە جەتكىزىلىپ، ءتيىستى كومەك كورسەتىلگەننەن كەيىن ۇيلەرىنە قايتارىلدى، - دەپ حابارلادى ۆەدومستۆو.
پوليتسيا اتالعان جول-كولىك وقيعاسىنا قاتىستى تەكسەرۋ جۇرگىزىپ جاتىر. تەكسەرۋ ناتيجەسىنە ساي كىنالى تۇلعا اكىمشىلىك جاۋاپكەرشىلىككە تارتىلادى.
ەسكە سالا كەتەيىك، بۇعان دەيىن قونايەۆتا بالا كولىك استىنا ءتۇسىپ، مەرت بولعانى حابارلانعان بولاتىن.