قىرعىزستان رەسپۋبليكاسىنىڭ دەنە شىنىقتىرۋ جانە سپورت جونىندەگى مەملەكەتتىك اگەنتتىگىنىڭ مالىمەتى بويىنشا، VI دۇنيەجۇزىلىك كوشپەندىلەر ويىندارىندا كوكپار جارىستارى جەكە سپورت ءتۇرى رەتىندە وتكىزىلەدى.
ويىندارعا شامامەن 2800-3000 سپورتشى قاتىسادى. جارىستار 43 سپورت تۇرىنەن وتەدى، ونىڭ 20 سى قىرعىز ۇلتتىق ويىندارى.
اشىلۋ سالتاناتى ەل استاناداسىنداعى جاڭا «بىشكەك ارەنا» ستاديونىندا، ال سپورتتىق ءىس-شارالار ىستىقكول وبلىسىندا وتەدى.
بۇعان دەيىن 60-تان استام ەل VI دۇنيەجۇزىلىك كوشپەندىلەر ويىندارىنا قاتىساتىنىن راستاعانى حابارلانعان بولاتىن.
جاقىندا بىشكەكتە ويىندارعا نەشە كۇن قالعانىن ەسكە سالىپ تۇراتىن ەلەكتروندى كەرى ساناق تاقتاسى رەسمي تۇردە ىسكە قوسىلدى.
سونداي-اق، ءبىز بارىستىڭ 2026-جىلعى دۇنيەجۇزىلىك كوشپەندىلەر ويىندارىنىڭ تاليسمانى رەتىندە تاڭدالعانىن حابارلادىق.