دودانى قازاقستان جانە وزبەكستان قۇراما كومانداسىنىڭ كوكپارشىلارى باستادى. العاشقى سالىمدى قازاقستان قۇراما كومانداسىنان قۇرمانبەك ەسىمدى شاباندوز سالدى.
تارتىستى وتكەن سايىستا، قازاقستاندىق شاباندوزداردىڭ مەرەيى ۇستەم بولىپ، 16:0 ەسەبىمەن ايقىن جەڭىسكە جەتتى.
ايتا كەتەيىك، كوكپاردان 9 مەملەكەتتىڭ سپورتشىلارى ءوزارا مىقتىنى انىقتايدى. بۇل سپورت تۇرىنەن بارلىعى 104 سپورتشى قاتىسادى.
كوكپاردان باق سىنايتىن قۇرامالار: قازاقستان، ا ق ش، رەسەي، وزبەكستان، قىرعىزستان، ۆەنگريا، قىتاي، موڭعوليا جانە تۇركيا.
ەسكە سالا كەتەيىك، بۇعان دەيىن دۇنيەجۇزىلىك كوشپەندىلەر ويىندارىندا 9-قىركۇيەكتە قاي سپورت تۇرىنەن سايىستار وتەتىنىن جازعان ەدىك.
اۆتور
ريزابەك نۇسىپبەك ۇلى