كوكپار: العاشقى سالىمدى قازاقستاندىق كوكپارشىلار سالدى

استانا. KAZINFORM - استانا قالاسىندا V دۇنيەجۇزىلىك كوشپەندىلەر ويىندارىنا باق سىناۋعا كەلگەن كوكپارشىلار «قازانات» يپپودرومىندا ىرىكتەۋ جارىستارىن وتكىزىپ جاتىر.

دودانى قازاقستان جانە وزبەكستان قۇراما كومانداسىنىڭ كوكپارشىلارى باستادى. العاشقى سالىمدى قازاقستان قۇراما كومانداسىنان قۇرمانبەك ەسىمدى شاباندوز سالدى.

فوتو: ريزابەك نۇسىپبەك

تارتىستى وتكەن سايىستا، قازاقستاندىق شاباندوزداردىڭ مەرەيى ۇستەم بولىپ، 16:0 ەسەبىمەن ايقىن جەڭىسكە جەتتى.

فوتو: ريزابەك نۇسىپبەك

ايتا كەتەيىك، كوكپاردان 9 مەملەكەتتىڭ سپورتشىلارى ءوزارا مىقتىنى انىقتايدى. بۇل سپورت تۇرىنەن بارلىعى 104 سپورتشى قاتىسادى.

كوكپاردان باق سىنايتىن قۇرامالار: قازاقستان، ا ق ش، رەسەي، وزبەكستان، قىرعىزستان، ۆەنگريا، قىتاي، موڭعوليا جانە تۇركيا.

ەسكە سالا كەتەيىك، بۇعان دەيىن دۇنيەجۇزىلىك كوشپەندىلەر ويىندارىندا 9-قىركۇيەكتە قاي سپورت تۇرىنەن سايىستار وتەتىنىن جازعان ەدىك.

اۆتور
ريزابەك نۇسىپبەك ۇلى