كوپشىلىگى ءۇشىن بۇل بيزنەسكە اينالدى: ەرلان قارين شەتەلدىك گرانت الۋشىلار تۋرالى

استانا. KAZINFORM - ق ر مەملەكەتتىك كەڭەسشىسى ەرلان قارين شەتەلدىك كوزدەردەن قارجى الاتىن ۇكىمەتتىك ەمەس ۇيىمدار مەن ازاماتتىق بەلسەندىلەر قىزمەتى تۋرالى پىكىرىن ءبىلدىردى.

- مۇنداي ۇيىمدار مەن ادامدار وتە كوپ، ولار قانداي دا ءبىر جاعدايعا نەمەسە ماسەلەگە «جابىسىپ»، پايدا كورۋگە تىرىسادى. قىزىعى سول، ولار ءتىپتى بۇل پروبلەمالاردىڭ شەشىلمەۋىنە كوبىرەك مۇددەلى بولۋى مۇمكىن. ويتكەنى بۇل ولارعا ماتەريالدىق ءارى پسيحولوگيالىق تۇرعىدان ءتيىمدى، - دەدى ەرلان قارين Qogam News YouTube-ارناسىندا جۋرناليست دينارا ءساتجان مەن ساياسي شولۋشى ءادىل سەيفۋللينمەن سۇحباتتا.

ونىڭ ايتۋىنشا، مۇنداي بەلسەندىلەر مەن ۇ ە ۇ وكىلدەرى قازاقستانداعى وڭ وزگەرىستەر تۋرالى حابار تاراتۋعا اسا مۇددەلى ەمەس.

- ولار ۇنەمى تەك جاعىمسىز ەسەپتەر جىبەرەدى. سەبەبى وڭ وزگەرىستەر بولسا، ءسوز بوستاندىعى، دەموكراتيا دەڭگەيى، ادام قۇقىقتارىنىڭ ساقتالۋى بويىنشا رەيتينگتەردە ەلىمىزدىڭ ورنى وزگەرەدى. بۇل جاعدايدا ولاردى قارجىلاندىرۋ توقتاۋى مۇمكىن. سوندىقتان كوپشىلىگى ءۇشىن بۇل - بيزنەس، - دەپ ءتۇسىندىردى ە. قارين.

بۇعان دەيىن قازاقستاندا شەتەلدىك اگەنتتەر تۋرالى زاڭ قابىلداۋ ۇسىنىلدى. وندا دەپۋتات يرينا سميرنوۆا قازاقستاندا شامامەن 200 ۇ ە ۇ شەتەلدەن قارجىلاندىرىلاتىنىن، ولاردىڭ p ى ءارتۇرلى كوزدەر ارقىلى ا ق ش-تان قارجىلاندىرىلعانىن مالىمدەگەن بولاتىن.