كوشپەندىلەر ويىنى: قازاقستان التىن مەدالدار سانىن 21 گە جەتكىزدى
استانا. قازاقپارات - 5- دۇنيەجۇزىلىك كوشپەندىلەر ويىندارىنىڭ ءۇشىنشى جارىس كۇنىندە قازاقستاندىق سپورتشىلار 7 التىن، 7 كۇمىس، 9 قولا مەدال جەڭىپ الدى.
ناتيجەسىندە قازاقستان قۇراماسى التىن مەدالدار سانىن 21 گە جەتكىزىپ، جالپى ەسەپتە كوش باستاپ كەلەدى. ناقتىراق ايتساق، ءۇشىنشى جارىس كۇنىنىڭ قورىتىندىسى بويىنشا وتانداستارىمىز 21 التىن، 10 كۇمىس، 17 قولا (48) مەدالمەن جالپى ەسەپتە كوش باسىندا.
ەكىنشى ورىندا 7 التىن، 9 كۇمىس، 7 قولا (23) جۇلدەمەن قىرعىزستان سپورتشىلارى كەلە جاتسا، ۇزدىك ۇشتىكتى 7 التىن، 9 كۇمىس، 8 قولا (24) مەدال جەڭىپ العان وزبەكستان سپورتشىلارى تۇيىندەپ تۇر.
ال ءتورتىنشى ورىنعا 4 التىن، 4 كۇمىس، 13 قولا (21) مەدال جەڭىپ العان رەسەي قۇراماسى يە بولسا، ماجارىستان قۇراماسى 1 التىن، 1 كۇمىس، 5 قولا (7) مەدالمەن جالپى ەسەپتە ۇزدىك بەسىنشى ورىندا كەلەدى.
بۇگىنگە دەيىن جالپى 5- دۇنيەجۇزىلىك كوشپەندىلەر ويىندارىنىڭ جۇلدەسى 26 مەملەكەتتىڭ سپورتشىلارىنا بۇيىردى.
جالپى مەدالدار كەستەسى:
اۆتور
كۇنسۇلتان وتارباي