كوشپەندىلەر ويىندارىنا قىتايدان قازاق بالۋاندار كەلە جاتىر
استانا. KAZINFORM - دۇنيەجۇزىلىك كوشپەندىلەر ويىنىنا قىتاي قازاقتارى اراسىنان ءارتۇرلى سالماق بويىنشا 8 بالۋان كەلىپ قاتىسپاق.
بۇل تۋرالى قازاقپارات تىلشىسىنە، قىتايداعى «قازاق كۇرەس» قوعامنىڭ ءتوراعاسى، ۇزدىك جاتتىقتىرۋشى، مەملەكەتتىك I دارەجەلى تورەشى سۇرابالدى احمەت ۇلى ءمالىم ەتتى.
«استانادا وتكەلى جاتقان ءدۇبىرلى دودانىڭ ءساتتى وتۋىنە تىلەكتەسپىز! ەكى ەلدىڭ دوستىق قارىم- قاتىناسىنىڭ ارقاسىندا وسى شاراعا قاتىناسۋ مۇمكىندىگىنە يە بولىپ وتىرمىز. قازاق كۇرەسى قىتايداعى قانداستار اراسىندا دا جاقسى دامىپ كەلەدى. قالالىق، وبلىستىق دەڭگەيدەگى جارىستار ءوتىپ تۇرادى. بالۋاندارىمىز الەمدىك جارىستاردا جۇلدەلى ورىنداردان كورىنىپ ءجۇر. كوشپەندىلەر ويىندارى اياسىندا وتەتىن قازاق كۇرەسىنە قىتاي ەلى اتىنان 8 سپورتشىمىز باق سىناۋعا كەلە جاتىر. ولار: 60، 66، 74، 82، جانە 90 كەلى سالماقتا ونەر كورستەتىن بولادى»، - دەيدى سۇرابالدى احمەت ۇلى.
5- دۇنيەجۇزىلىك كوشپەندىلەر ويىندارى استانا قالاسىندا 8-13-قىركۇيەك ارالىعىندا وتەدى. الەمدىك دوداعا 89 ەلدەن 2800 گە جۋىق قاتىسۋشى كەلەدى دەپ جوسپارلانىپ وتىر. وندا سپورتتىڭ 21 ءتۇرى بويىنشا 97 مەدال جيىنتىعى ساراپقا سالىنباق.
اۆتور
ريزابەك نۇسىپبەك ۇلى