كوشپەندىلەر ويىندارىنا 100 مىڭ تۋريست كەلەدى
استانا. قازاقپارات - استانادا ءوتىپ جاتقان بەسىنشى دۇنيەجۇزىلىك كوشپەندىلەر ويىندارىنا 100 مىڭنان استام تۋريست كەلەدى دەگەن مالىمەت بار. بۇل تۋريزم جانە سپورت مينيسترلىگىنىڭ الدىن الا ەسەبى.
ءيا، قازىر ىشكى تۋريزمگە دە سۇرانىس جوعارى. بيىل 3,5 ميلليون قازاقستاندىق ەل ءىشىن ارالاعان. بەسىنشى دۇنيەجۇزىلىك كوشپەندىلەر ويىندارى الەم نازارىندا. تورتكۇل دۇنيەدەگى كورەرمەننىڭ ءبىرى تەلەديدار مەن جەلىگە تەلمىرسە، ەندى ءبىرى استاناعا «ات تەرلەتە» جەتكەن. تۋريزم جانە سپورت مينيسترلىگى ويىندار بارىسىندا ەلورداعا 100 مىڭنان استام تۋريست كەلۋى مۇمكىن دەيدى. جالپى قاتىسۋشىلار مەن كورەرمەندەر سانى رەكوردتىق كورسەتكىش ورنايدى. قازىردىڭ وزىندە سايىستارعا قاتىسۋ ءۇشىن 89 ەلدەن 2700-گە جۋىق سپورتشى كەلگەنى بەلگىلى. ودان بولەك، الەمدىك ب ا ق وكىلدەرى، بلوگەرلەر بار.
تۋريزم جانە سپورت ۆيتسە- ءمينيسترى ەرجان ەركىنبايەۆتىڭ ايتۋىنشا، مۇنىڭ ءبارى ەلدىڭ حالىقارالىق ارەناداعى يميدجىن ارتتىرا تۇسەدى. مەملەكەت باسشىسىنىڭ قابىلداۋىندا بولعان ب ۇ ۇ دۇنيەجۇزىلىك تۋريستىك ۇيىمىنىڭ باس حاتشىسى زۋراب پولولوكاشۆيلي دە قازاقستاننىڭ تۋريستىك الەۋەتى زور ەكەنىن اتاپ ءوتتى. ونى ءارى قاراي دامىتۋعا ىقپالداساتىنىن جەتكىزدى.
ايتپاقشى، ۇلى دالا ءدۇبىرى كەزىندە كوپشىلىككە 1300 ەرىكتى قىزمەت كورسەتەدى. ونىڭ 1280- ءى قازاقستاندىق، قالعانى شەتەل ازاماتتارى.
ەرجان ەركىنبايەۆ، ق ر تۋريزم جانە سپورت ۆيتسە- ءمينيسترى:
- 2014 -جىلى قىرعىزستاندا وتكەن العاشقى ويىندارعا 19 ەلدەن 600 سپورتشى قاتىسىپ، مىڭداعان تۋريست پەن كوپتەگەن حالىقارالىق مەديانىڭ نازارىن اۋداردى. 2016 -جىلى قاتىسۋشى ەلدەردىڭ سانى 62-گە جەتىپ، ءىس-شاراعا 40 مىڭ تۋريست كەلدى. 2018 -جىلعى ويىندارعا 80 ەلدەن 2000-نان استام ادام قاتىسىپ، كورەرمەندەر سانى 150 مىڭنان اسىپ جىعىلدى. بۇل سانداردان ويىندار جىلدان-جىلعا تۋريستەردى كوپتەپ تارتاتىنىن، بۇل ءوز كەزەگىندە قابىلداۋشى ەلدىڭ ەكونوميكاسى مەن تۋريزم سالاسىن دامىتۋعا ايتارلىقتاي ۇلەس قوساتىنىن كورە الامىز.
قوناق ۇيلەردىڭ تابىسى ارتتى
ءۇش ايدا ەلدەگى قوناق ۇيلەر 4 ميلليون مەيمانعا قىزمەت كورسەتكەن. ۇلتتىق ستاتيستيكا بيۋروسى مۇنى كەيىنگى 10 جىلدا العاش رەت تىركەلگەن رەكورد دەدى. قوناق ۇيلەردىڭ تابىسى دا 10 پايىزعا ارتىپ، 121 ميلليارد تەڭگەگە جەتتى. ماماندار قىتايدان كەلگەن تۋريستەردىڭ ۇلەسى 2 ەسە ارتقانىن ايتادى. 70 مىڭ ادام ساياحاتتادى. ءۇندىستاننان 54 مىڭ ادام كەلىپتى، بۇل 2,5 ەسە ارتىق كورسەتكىش. مالايزيالىق تۋريستەر سانى 4 مىڭعا جەتتى. بۇل بىلتىرعىدان 4,5 ەسە كوپ.
ال رەسەي، ۋكراينا، فرانسيادان كەلەتىن مەيماندار سانى باسقاسىنان كوبىرەك بولعانىمەن، ۇلەس سالماعى ءبىرشاما تومەندەگەن.
قازاقستاندا ىشكى تۋريزم وركەندەپ كەلەدى
بيىل 3,5 ملن ادام ەل ىشىندە ساياحاتتاعان. بۇل بىلتىرعى سايكەس كەزەڭنەن 350 مىڭعا كوپ. اسىرەسە مەگاپوليستەردى كورۋگە كەلگەندەر قاتارى ارتا ءتۇسىپتى. وڭىرلەردىڭ تۇمسا تابيعاتى دا قازاقستاندىقتاردىڭ قىزىعۋشىلىعىن ەسەلەي تۇسكەن. قۇزىرلى مينيسترلىك تۋريستىك ينفراقۇرىلىمدار مەن قىزمەتتەردى جاڭعىرتا بەرۋگە نيەتتى.
24.kz