كوشپەندىلەر ويىندارى يۋنەسكو- نىڭ زاتتاي ەمەس مادەني مۇرالارىنىڭ تىزىمىنە ەندى - سيمونا ميرەلا ميكۋلەسكۋ

استانا. KAZINFORM - ەلوردادا ۇيىمداستىرىلعان 5- دۇنيەجۇزىلىك كوشپەندىلەر ويىندارى 13-قىركۇيەك كۇنى مارەسىنە جەتكەنى بەلگىلى.

يۋنەسكو باس كونفەرەنسياسى 42-سەسسياسىنىڭ ءتورايىمى سيمونا ميرەلا ميكۋلەسكۋ كوشپەندىلەر ويىندارى يۋنەسكو-نىڭ ماتەريالدىق ەمەس مادەني مۇرالارىنىڭ تىزىمىنە ەنگەنىن ايتتى. بۇل تۋرالى Qazaqstan تەلەارناسىنىڭ «الەم جانە ءبىز» باعدارلاماسىندا حابارلاندى.

«يۋنەسكو باس كونفەرەنسياسى 42-سەسسياسىنىڭ ءتورايىمى سيمونا ميرەلا ميكۋلەسكۋ «دۇنيەجۇزىلىك كوشپەندىلەر ويىندارى - ناعىز ۇلتتىق قۇندىلىقتى سيپاتتايتىن كەرەمەت شارا. سوندىقتان دا يۋنەسكو- نىڭ زاتتاي ەمەس، مادەني مۇرالارىنىڭ تىزىمىنە ەندى. بۇل - مەرەكە. سوندىقتان بارلىق ۇيىمداستىرۋشىلار مەن قازاق حالقىن قۇتتىقتايمىن»، - دەپ باعا بەردى دەلىنگەن.

8-13-قىركۇيەك كۇندەرى وتكەن كوشپەندىلەر وليمپياداسىنا 90 عا جۋىق مەملەكەتتەن 2500 دەن استام سپورتشى قاتىسىپ، 21 سپورت تۇرىنەن 97 مەدال جيىنتىعىن ساراپقا سالعانىن ەسكە سالا كەتەيىك.

V دۇنيەجۇزىلىك كوشپەندىلەر ويىنى نەسىمەن ەستە قالعانىن وقىعىڭىز كەلسە سىلتەمەگە ءوتىڭىز.