پوليتسياعا باعىنباي، قوعامدىق ءتارتىپتى بۇزعانى ءۇشىن شۆەد بەلسەندىسى ايىپپۇل تولەۋگە مىندەتتەلدى. Kazinform بۇل تۋرالى Euronews-كە سىلتەمە جاساپ حابالايدى.
شۆەتسيانىڭ مالميە قالاسىنىڭ سوتى تانىمال ەكوبەلسەندى گرەتا تۋنبەرگكە 5500 كرون (شامامەن 240 مىڭ تەڭگە) مولشەرىندە ايىپپۇل سالدى. وسىلايشا، تۋنبەرگ قوعامدىق ءتارتىپتى بۇزىپ، بيىل شىلدەدە بولعان اكسيا كەزىندە پوليتسياعا باعىنباعانى ءۇشىن جازالاندى.
سول كەزدە نارازى توپ قازبا وتىندى پايدالانۋعا قارسىلىق رەتىندە مالميە پورتىنا كىرەر جولدى جاۋىپ تاستاعان بولاتىن.
ماۋسىم ايىندا وسىعان ۇقساس نارازىلىعى ءۇشىن وعان العاش رەت ايىپپۇل سالىنعان ەدى. جيىرما جاستاعى بەلسەندى ءوزىن كىنالى دەپ ەسەپتەمەيدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан