بۇل تۋرالى گرۋزيا پرەمەر-ءمينيسترى يراكلي كوباحيدزە مالىمدەدى، دەپ جازادى Armenpress.
كوباحيدزە بۇل تۋرالى سوڭعى ۋاقىتتا گرۋزيا مەن ازەربايجان اراسىندا شيەلەنىس تۋىنداعان داۆيد-گارەدجي موناستىرىنە قاتىستى ماسەلەنى ءسوز ەتكەن كەزدە ايتتى، دەپ حابارلايدى Armenpress Imedinews-كە سىلتەمە جاساپ.
— گارەدجي ماسەلەسىنە كەلسەك، ءبىز شەكارانى دەليميتاتسيالاۋ جانە دەماركاتسيالاۋ بويىنشا دوستىق جاعدايدا بەلسەندى جۇمىس ىستەپ جاتىرمىز. بۇل ماسەلە بىزگە مۇرا بولىپ قالدى. الدىڭعى ۇكىمەتتىڭ تۇسىندا جاعداي كۇردەلەنە ءتۇستى، ويتكەنى ولار ءتيىستى كارتالاردى باسشىلىققا الماعان. ونىڭ نەمەن اياقتالعانىن وزدەرىڭىز دە بىلەسىزدەر. ء بىز دوستىق جاعدايدا جۇمىس ىستەپ جاتىرمىز. ازەربايجانمەن دە، ارمەنيامەن دە دوستىق قارىم-قاتىناسىمىز بار. سوندىقتان ەكى مەملەكەتپەن دە شەكارانى دەليميتاتسيالاۋ جانە دەماركاتسيالاۋ قاجەت. بۇل باعىتتاعى جۇمىس الداعى ۋاقىتتا دا تولىقتاي دوستىق جاعدايدا جالعاسادى. بۇل - ەگەمەن مەملەكەتتىڭ ۇستانىمى، - دەدى يراكلي كوباحيدزە.