ەكواكسيا: ەلوردا تۇرعىندارى قوقىستى كوفەگە ايىرباستاي الادى

استانا. KAZINFORM - استانادا «تازا قازاقستان. استانا - تازالىق پەن ءتارتىپتىڭ ۇلگىسى» اۋقىمدى ەكواكسياسى ءوتىپ جاتىر. ونىڭ اياسىندا سارى ارقا اۋدانىنىڭ اكىمدىگى «بوتەلكەلەردى جيناپ، كوفە ال» اتتى ەرەكشە اكسياسىن باستادى. بۇل تۋرالى استانا اكىمدىگىنىڭ رەسمي سايتى حابارلادى.

سارى ارقا اۋدانى اكىمىنىڭ اپپاراتى ءبولىم باسشىسىنىڭ مىندەتىن اتقارۋشى دامير حيسماتۋلليننىڭ ايتۋىنشا، اكسيا قوقىستى بولەك جيناۋ جانە بوتەلكەلەردى ودان ءارى وڭدەۋ پروتسەسىنە مۇمكىندىگىنشە كوپ ادامدى جۇمىلدىرۋ ءۇشىن وتكىزىلەدى.

«بوتەلكەلەردى جيناپ، كوفە ال» اكسياسىنىڭ باستى ماقساتى پلاستماسسا، قالايى جانە شىنى بۇيىمداردى قايتا وڭدەۋ ماسەلەسىن ناسيحاتتاۋ ءۇشىن، سونداي-اق حالىقتى بوتەلكەلەردى بولەك جيناۋ جانە ودان ءارى قايتا وڭدەۋ پروتسەسىنە قاتىسۋعا قىزىقتىرۋ بولىپ سانالادى. اكسيا اياسىندا پلاستماسسا، قالايى جانە شىنى بوتەلكەلەر قابىلدانادى. سونىمەن، كوفەگە ايىرباستاۋ ءۇشىن سىزگە 50 پلاستيك، 30 قالايى نەمەسە 15 شىنى بوتەلكە قاجەت. كوفەگە ايىرباستاۋ - بۇل ادامداردى قىزىقتىرۋ ءۇشىن سيمۆولدىق ىنتالاندىرۋ»، - دەدى ول.

بوتەلكەلەردى تاپسىرعاننان كەيىن ولارعا سۋسىن الۋعا بولاتىن جەرگە سەرتيفيكات بەرىلەدى.

ايتا كەتۋ كەرەك، اۋقىمدى ەكواكسيا اياسىندا قالانى سانيتارلىق تازارتۋ، نوسەر جانە ارىق كاناليزاتسياسى، كوشەلەردى، تروتۋارلاردى، كۆارتالىشىلىك اۋماقتاردى، قوعامدىق كەڭىستىكتەر مەن اۋلالاردى تازالاۋ جۇمىستارى جۇرگىزىلىپ جاتىر.

سونداي-اق، جاسىل جەلەكتەردى كۇتىپ-ۇستاۋ جانە وتىرعىزۋ، ساۋدا نىساندارىنا ىرگەلەس اۋماقتاردى جيناۋ، كوگالدار مەن گۇلزارلاردى تازارتۋ، رۇقسات ەتىلمەگەن پوليگونداردى جويۋ جۇمىسى جۇرگىزىلىپ جاتىر.

اۆتور

باقىتگۇل اباي قىزى