ونىڭ نەگىزگى ماقساتى - بالالاردىڭ قاۋىپسىز مىنەز-قۇلىق داعدىلارىن قالىپتاستىرۋ، ءتۇرلى قاۋىپ-قاتەردى دۇرىس باعالاۋعا، سانالى شەشىم قابىلداۋعا جانە قاجەت جاعدايدا ەرەسەكتەردەن دەر كەزىندە كومەك سۇراۋعا ۇيرەتۋ.
كۋرس باعدارلاماسى وقۋشىلاردىڭ جاس ەرەكشەلىكتەرىن ەسكەرە وتىرىپ ازىرلەنگەن جانە پراكتيكالىق ساباقتارعا نەگىزدەلگەن. وقۋشىلار ومىردە كەزدەسەتىن ءتۇرلى جاعدايلاردى تالداپ، رولدىك ويىندار مەن ارنايى جاتتىعۋلار ارقىلى قاۋىپسىز ارەكەت ەتۋ جانە ءوز ەموتسيالارىن باسقارۋ داعدىلارىن مەڭگەرەدى.
- 5-8-سىنىپ وقۋشىلارى ءۇشىن جىلىنا 8 ساعات، ال 9-11 سىنىپ وقۋشىلارى ءۇشىن 17 ساعات قاراستىرىلعان. باعدارلاما پراكتيكالىق جانە دياگنوستيكالىق ساباقتاردى قامتيدى. جوعارى سىنىپ وقۋشىلارى ءۇشىن قوسىمشا تۇزەتۋ-دامىتۋ باعىتىنداعى ساباقتار وتكىزىلەدى، - دەلىنگەن مينيسترلىك حابارلاماسىندا.
كۋرس اياسىندا وقۋشىلاردىڭ پسيحولوگيالىق جاعدايىن انىقتاۋعا باعىتتالعان دياگنوستيكا جۇرگىزىلەدى. ونىڭ ناتيجەلەرى ءار بالانىڭ جەكە قاجەتتىلىكتەرىن ەسكەرۋگە جانە ءتيىستى قولداۋ جۇمىستارىن جوسپارلاۋعا مۇمكىندىك بەرەدى.
دياگنوستيكا قورىتىندىلارى وقۋشىلارعا باعا قويۋ نەمەسە ولاردى قانداي دا ءبىر ساناتتارعا ءبولۋ ءۇشىن قولدانىلمايدى.
ساباقتاردى ءبىلىم بەرۋ ۇيىمدارىنىڭ شتاتتىق پەداگوگ-پسيحولوگتارى جۇرگىزەدى. كۋرستىڭ باستى ناتيجەسى وقۋشىلاردىڭ العان بىلىمدەرى مەن قاۋىپسىزدىك داعدىلارىن كۇندەلىكتى ومىردە ءتيىمدى قولدانا بىلۋىمەن باعالانادى.
ايتا كەتەلىك مۇعالىمدەرگە مىندەتتى قۇجاتتار سانى 25 تەن 5 كە دەيىن قىسقاراتىنى تۋرالى جازعان ەدىك.