بۇل تۋرالى قۇرىلتايداعى ۇكىمەت ساعاتىندا وقۋ-اعارتۋ ءمينيسترى جۇلدىز سۇلەيمەنوۆا ايتتى.
جۇلدىز سۇلەيمەنوۆا ايتا كەتكەندەي، وقۋشىلارعا ءوز ويىن جازباشا جەتكىزۋ قيىنعا سوعىپ جاتادى. جاعدايدى تۇزەتۋ ءۇشىن ەكىنشى سىنىپتان باستاپ ديكتانت پەن شىعارما ەنگىزۋ كوزدەلگەن.
«ءبىز قازىرگى ماسەلە نەدە ەكەنىن تۇسىنەمىز. ءار سىنىپ وقۋشىسى بەلگىلى ءبىر مولشەردە كىتاپ وقۋى كەرەك. كەيدە بالالار ءوز ويىن بىلدىرۋدە قينالادى، سوندىقتان ولارعا شىعارمانى جاقسى جازۋدى دا ۇيرەتۋ كەرەك»، - دەدى مينيستر.
بۇعان دەيىن باستاۋىش سىنىپتاردان كەيىن ب ج ب مەن ت ج ب- نى 5-9-سىنىپ وقۋشىلارى ءۇشىن، كەيىن 10-11-سىنىپتار ءۇشىن كەزەڭ-كەزەڭىمەن جويۋ جوسپارلانعانى حابارلانعان بولاتىن. وقۋ-اعارتۋ مينيسترلىگى بۇل وزگەرىستى كەلەسى وقۋ جىلىنان باستاماق.