عالىمداردىڭ ايتۋىنشا، قالا اي سايىن ورتا ەسەپپەن 1,3 سانتيمەترگە تومەندەپ كەلەدى، ال كەي اۋدانداردا بۇل كورسەتكىش 2 سانتيمەترگە دەيىن جەتكەن، دەپ حابارلايدى turkystan.kz.
ماسەلەنىڭ باستى سەبەبى -جەراستى سۋىنىڭ شامادان تىس تارتىلۋى. قالا ەجەلگى سۋ قاباتىنىڭ ۇستىندە ورنالاسقان جانە اۋىزسۋدىڭ شامامەن ` ىن سول جەردەن الادى. الايدا ونداعان جىل بويى ۇزدىكسىز سۋ الۋ سالدارىنان توپىراق بوساپ، جەر قاباتى شوگە باستاعان.
مەحيكو بۇرىن اتستەكتەردىڭ تەنوچتيتلان قالاسىنىڭ ورنىندا سالىنعان. ول 1325 -جىلى تەسكوكو كولىنىڭ ورتاسىنداعى ارالدا بوي كوتەرگەن. كەيىن يسپان كونكيستادورلارى كولدى قۇرعاتىپ، ونىڭ تابانىندا قازىرگى الىپ مەگاپوليس پايدا بولدى. قازىر بۇل اگلومەراتسيادا شامامەن 22 ميلليون ادام تۇرادى.
عالىمدار ماسەلەنىڭ اۋقىمىن عارىشتان دا باقىلاپ وتىر. NASA جانە ISRO بىرلەسىپ جاساعان NISAR سپۋتنيگى جەر بەدەرىندەگى ەڭ ۇساق وزگەرىستەردى دە تىركەي الادى. سوڭعى مالىمەتتەرگە سايكەس، 2025-جىلدىڭ قازانىنان 2026-جىلدىڭ قاڭتارىنا دەيىن كەي اۋداندار جىلىنا 24 سانتيمەتردەن استام شوككەن.
ەڭ قاتتى زارداپ شەككەن نىسانداردىڭ ءبىرى - Benito Julrez International Airport حالىقارالىق اۋەجايى. ال قالانىڭ سيمۆولىنا اينالعان Angel of Independence مونۋمەنتىنىڭ استىنا جەر تومەندەگەندىكتەن قوسىمشا باسپالداقتار ورناتۋعا تۋرا كەلگەن.
ساراپشىلاردىڭ ايتۋىنشا، ۋربانيزاتسيا دا جاعدايدى ۋشىقتىرعان. جاڭا عيماراتتار مەن ينفراقۇرىلىم سازدى توپىراققا قوسىمشا سالماق ءتۇسىرىپ جاتىر.
عالىمدار باقىلاۋدى جالعاستىرىپ، بۇل دەرەكتەر بولاشاقتا تابيعي اپاتتار مەن كليماتتىق وزگەرىستەردى زەرتتەۋگە دە كومەكتەسەدى دەپ ەسەپتەيدى.