استانا. KAZINFORM - قازاقستاندىق كاسىپورىننىڭ ىلكى جوباسى ەلدەن شيكىزات رەتىندە ەكسپورتتالىپ جاتقان التىننىڭ ءبارىن ەل ىشىندە وڭدەۋگە مۇمكىندىك بەرەتىن تەحنولوگيانى وندىرىسكە قوسپاقشى. بۇل تۋرالى ۇكىمەت وتىرىسىندا ونەركاسىپ جانە قۇرىلىس ءمينيسترىنىڭ ورىنباسارى ولجاس ساپاربەكوۆ ءمالىم ەتتى.
- Solidcore Resources كومپانياسىنىڭ اۆتوكلاۆ ءوندىرىس جوباسى قۇرامىندا مىشياك مولشەرى جوعارى، قيىن بايىتىلاتىن التىن بار كەندەردى وڭدەۋگە مۇمكىندىك بەرەدى. بۇل جوبا قازىر ەكسپورتتالىپ جاتقان بارلىق شيكىزاتتى ەلىمىزدە وڭدەۋگە جول اشادى. ينۆەستيسيا كولەمى شامامەن 300 ميلليون دوللار، ال جوبا قۋاتى - جىلىنا 15 توننا التىن، - دەدى ۆيتسە-مينيستر.
ايتا كەتۋ كەرەك، ەلىمىزدە التىن قىمباتتاپ، ءبىر گرامىنىڭ باعاسى شامامەن 56527 تەڭگەگە جەتتى.
قازاقستاننىڭ التىن قورى قانشا جىلعا جەتەتىنى بەلگىلى بولدى.
تاياۋدا World Gold Council ۇيىمى، ياعني دۇنيەجۇزىلىك التىن كەڭەسى كەيىنگى ايدا قازاقستاننىڭ التىن قورى 7,4 تونناعا ارتقانىن مالىمدەدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан