ەكس-مينيستر اسحات ايماعامبەتوۆ ەرەكشە بالالارعا ارنالعان كۆوتا تۋرالى ايتتى

ەكس-مينيستر، ءماجىلىس دەپۋتات اسحات ايماعامبەتوۆ ايگەرىم سەيفوللاعا بەرگەن سۇحباتىندا ەرەكشە بالالارعا ارنالعان كۆوتا تۋرالى ايتتى، - دەپ حابارلايدى Massaget.kz ءتىلشىسى.

بۇرىنعى وقۋ-اعارتۋ ءمينيسترىنىڭ ايتۋىنشا، ەرەكشە بالالارعا جاسالعان جاعداي بەس جىل بۇرىنعىسىمەن سالىستىرعاندا جەر مەن كوكتەي.

«سوڭعى 3,5 جىلدا بىرنەشە زاڭ قابىلدادىق، بىرنەشە جاڭا ينستيتۋتتار ەنگىزدىك. تيۋتور دەگەندى پرەزيدەنتكە دەيىن جەتكىزىپ، مەملەكەت باسشىسىنىڭ قولداۋىمەن مەكتەپكە ەنگىزدىك. قازىر قانشاما مەكتەپتەردە تيۋتورلار جۇمىس ىستەپ جاتىر. سولاردىڭ ارقاسىندا مەكتەپكە بارىپ ءبىلىم الىپ ءجۇر. سوندىقتان، ەرەكشە بالامەن جۇمىستى ەرتە باستاۋ كەرەك.

جالپى، ەرەكشە بالالاردىڭ ءبىلىم الۋ دەڭگەيى ماسەلەسىمەن قاراعاندىدا جۇمىس ىستەگەندە جاقسى تانىس بولدىم. سول قالاداعى ءبىر مەكتەپتى پيلوتتىق رەجيمدە جۇرگىزىپ، ينكليۋزيۆتى مەكتەپ ەتىپ قۇردىق. سول كەزدە وزگە اتا-انالاردا دا، ەرەكشە بالالاردىڭ اناسىنان دا «ءبىز دايىن ەمەسپىز» دەگەن جاۋاپ الدىق. ءسويتىپ، مينيستر بولعان كەزدە بۇل ماسەلەنى بارىنشا كوتەردىم. ەرەكشە بالالاردى وقىتۋداعى ەڭ باستى قيىندىق - مۇعالىمدەردىڭ دايىندىعى بولدى. سول كەزدە ج و و- دا بولاشاق مۇعالىمدەر ءۇشىن «ينكليۋزيۆ» دەگەن مىندەتتى ءپان ەنگىزدىك. ويتكەنى ءار مۇعالىم ەرەكشە بالالارمەن جۇمىس ىستەي ءبىلۋ كەرەك. بۇل تاقىرىپتى مەن جاقسى كورەمىن»، - دەدى اسحات ايماعامبەتوۆ.

سونداي-اق، ءماجىلىس دەپۋتاتى ەرەكشە بالالارعا ارنالعان كۆوتالاردى اتاپ ءوتتى.

«ەرەكشە بالالاردىڭ كوللەدجدەردە وقۋى ءۇشىن كۆوتا بار. ءتيىستى باعىتتار بويىنشا ولارعا مۇمكىندىك بەردىك. ادامدار ءار ءتۇرلى. كەيبىر ادامدار اربادا وتىرادى. ءجۇرۋ مۇمكىندىگى بويىنشا ءوزىنىڭ ەرەكشەلىكتەرى بار. ءسىز بەن ءبىز سياقتى ۇ ب ت تاپسىرىپ، وقۋعا تۇسەدى. ولار ءتيىستى «مۇگەدەكتىگى بار ادامدارعا» دەگەن كۆوتانى پايدالانا الادى. ياعني، از بال ارقىلى وقۋعا تۇسە الادى.

جالپى ەرەكشە بالالار ماسەلەسىندە بىردەڭە دەپ ايتۋ قيىن. «مۇنداي ماسەلەدەن الشاق بولامىن» دەپ ايتۋعا بولمايدى. ويتكەنى، اۋتيزم ءار ادامدا كەزدەسۋى مۇمكىن. ءبىزدىڭ قوعامدا ولارعا ءتان ءتيىستى مادەنيەت بىرتە-بىرتە قالىپتاسادى دەپ ويلايمىن. قازىر مەن «مىناۋ دۇرىس-بۇرىس» دەپ اقىل ايتقانىم ءجون بولمايدى. بۇل ءبىلىم سالاسىنان باستالۋ كەرەك.

بىلەسىز بە، العاش رەت ا ق ش- قا بارعاندا قاتتى تاڭعالدىم. سەبەبى ولاردا ەرەكشە ادامدار كوپ بولدى. ال بىزدە قوعامدا ءتيىستى جاعداي جاسالماعان سوڭ ەرەكشە ادامدار كوبىنەسە ۇيدە وتىرۋعا ءماجبۇر. ءبىزدىڭ قوعامدا ولار بەلسەندى ەمەس. سول ءۇشىن ينكليۋزيۆتى قوعام قۇرۋ كەرەك»، - دەدى ول.