ەكس-ديپلومات ساكەن ماماشقا شىققان ۇكىم وزگەرىسسىز قالدى

استانا. KAZINFORM - اپەللياتسيالىق ينستانسيا بۇرىنعى ديپلومات ساكەن ماماشقا قاتىستى ءبىرىنشى ساتىداعى سوتتىڭ ۇكىمىن وزگەرىسسىز قالدىردى، دەپ حابارلايدى Kazinform ءتىلشىسى.

سوت مالىمەتىنشە، ساكەن ماماش ق ر قىلمىستىق كودەكسىنىڭ 110-بابى 2-بولىگىنىڭ 1-تارماعى بويىنشا كىنالى دەپ تانىلىپ، التى جىلعا باس بوستاندىعىنان ايىرىلدى.

سونىمەن قاتار ق ر ق ك-نىڭ 49-بابى نەگىزىندە ونىڭ ديپلوماتيالىق دارەجەسى - ءبىرىنشى سىنىپتى كەڭەسشى اتاعى كۇشىن جويدى.

ۇكىم بيىلعى 18-شىلدەدە شىعارىلعان.

ەسكە سالايىق، 2024 -جىلعى مامىردا ساكەن ماماشتىڭ بۇرىنعى جۇبايى كارينا گوسمان ون جىلعا سوزىلعان فيزيكالىق جانە سەكسۋالدىق زورلىق-زومبىلىق تۋرالى مالىمدەگەن بولاتىن.

وسىدان كەيىن ماماش قىزمەتىنەن شەتتەتىلدى. بۇعان دەيىن سوت وعان 15 تاۋلىككە اكىمشىلىك قاماۋ تاعايىنداعان ەدى.