«كروكۋستاعى» قۇرباندار سانى 152 گە جەتتى
استانا. KAZINFORM – ر ف توتەنشە جاعدايلار مينيسترلىگىنىڭ ماسكەۋ وبلىسى بويىنشا شتاب-پاتەرىنىڭ جاڭارتىلعان مالىمەتتەرى بويىنشا «كروكۋس سيتي حوللداعى» تەراكت سالدارىنان قۇربان بولعاندار سانى 152 گە جەتتى، دەپ جازادى ت ا س س.
«لاڭكەستىك ارەكەت سالدارىنان 285 ادام (ونىڭ ىشىندە 8 بالا) زارداپ شەكتى، ونىڭ ىشىندە 133 ادام (ونىڭ ىشىندە 3 بالا) قازا تاپتى»، - دەلىنگەن حابارلامادا.
بۇعان دەيىن دەنساۋلىق ساقتاۋ مينيسترلىگى 147 ادام قۇربان بولعانىن حابارلاعان.
توتەنشە جاعدايلار مينيسترلىگىنىڭ قۇتقارۋشىلارى ۇيىندىلەردى تازالاۋ جۇمىستارىن جالعاستىرىپ جاتىر. تۇندە جۇمىسقا اۋىر تەحنيكالار قوسىلدى.
ەسكە سالا كەتسەك، 22- ناۋرىز كۇنى ماسكەۋدىڭ سولتۇستىك-باتىسىنداعى «Crocus City Hall» كونسەرت زالىندا اتىس بولىپ، كامۋفلياج كيگەن ادامدار بەبىت تۇرعىندارعا وق جاۋدىرعان.
رەسەيدە 24-ناۋرىز جالپى ۇلتتىق ازا تۇتۋ كۇنى رەتىندە جاريالاندى.