دەكرەتتىك دەمالىستا جۇرگەن انالاردىڭ زەينەتاقى جيناعى قالاي تولىقتىرىلادى

قولدانىستاعى تارتىپكە سايكەس، بالا كۇتىمىمەن وتىرعان ايەلدەر 1,5 جىل بويى مەملەكەتتىك الەۋمەتتىك ساقتاندىرۋ قورىنان الەۋمەتتىك تولەم الادى.

وسى تولەمدەردەن مىندەتتى زەينەتاقى جارنالارى ۇستالىپ، ءبىرىڭعاي جيناقتاۋشى زەينەتاقى قورىنداعى (ب ج ز ق) جەكە زەينەتاقى شوتىنا اۋدارىلادى.

بۇل ءتارتىپ زاڭناماعا ەنگىزىلگەن وزگەرىستەردەن كەيىن دە ساقتالادى.

- سونىمەن قاتار بالا كۇتىمىنە بايلانىستى دەمالىس كەزەڭى بازالىق زەينەتاقىنى ەسەپتەۋ كەزىندە ەڭبەك ءوتىلى رەتىندە ەسكەرىلەدى. دەمەك، بالا كۇتىمىنە جۇمسالعان ۋاقىت بولاشاقتا بازالىق زەينەتاقى مولشەرىن ايقىنداۋعا دا اسەر ەتەدى، - دەلىنگەن ەڭبەك جانە حالىقتى الەۋمەتتىك قورعاۋ مينيسترلىگى تاراتقان اقپاراتتا.

وسىلايشا، انا دەكرەتتىك دەمالىستا بولعان كەزدە دە ونىڭ زەينەتاقى جيناقتارى تولىقتىرىلىپ، جارنالاردى اۋدارۋ ۇدەرىسى اۆتوماتتى تۇردە جۇزەگە اسىرىلادى.

ايتا كەتەيىك، بۇعان دەيىن بالا كۇتىمىنە بايلانىستى الەۋمەتتىك تولەمنەن 10 پايىز مىندەتتى زەينەتاقى جارناسى ۇستالىپ، الۋشىنىڭ ب ج ز ق- داعى جەكە شوتىنا اۋدارىلاتىنى حابارلانعان بولاتىن.