كۇرەستەن 2024-جىلى قازاقستان بىرىنشىلىگى قاي قالادا وتەدى
ق ر ۇلتتىق وليمپيادالىق كوميتەتى كەلەر جىلى كۇرەستەن قازاقستان چەمپيوناتىنىڭ ەلىمىزدىڭ قاي قالاسىندا وتەتىنىن جاريالادى، دەپ حابارلايدى Kazinform.
اتالعان كوميتەتتىڭ تاراتقان مالىمەتىنە سۇيەنسەك، ليتسەنزيالىق تۋرنيرلەر قارساڭىنداعى ەل بىرىنشىلىگى استانا قالاسىندا 5-11- اقپان ارالىعىندا ۇيىمداستىرىلادى.
قازاقستان چەمپيوناتىندا توپ جارعان وليمپيادالىق سالماقتاعى سپورتشىلار ءتورتجىلدىقتىڭ باستى دوداسى پاريج وليمپياداسىنىڭ جولداماسىنا تالاسادى. ىرىكتەۋ تۋرنيرلەرى 19-21- ءساۋىر ارالىعىندا بىشكەكتە، 9-12- مامىر ارالىعىندا ىستامبۇلدا وتەدى.
ايتا كەتەيىك، كۇرەس تۇرلەرىنەن قازاقستان كومانداسىندا ازىرگە ەكى جولداما بار. ەركىن كۇرەس شەبەرى ازامات داۋلەتبەكوۆ (86 كەلى) پەن گرەك-ريم كۇرەسىنىڭ وكىلى نۇرسۇلتان تۇرسىنوۆ (87 كەلى) بەلگرادتاعى الەم چەمپيوناتىندا ليتسەنزيا يەلەنگەن بولاتىن.
اۆتور كۇنسۇلتان وتارباي