كەرەك كەڭەس: ماحابباتقا تولى قازاق تىلىندەگى كىتاپتار

استانا. قازاقپارات - ماحاببات - الەمدەگى ەڭ ۇلى سەزىم. ەشقانداي ادام سەزىمسىز ءومىر سۇرە المايدى. ءتىپتى «ماحابباتسىز دۇنيە بوس» دەگەن پىكىر دە وسىدان قالعان بولسا كەرەك.

Bugin.kz وقىرماندارىنا قازاق تىلىندە جازىلعان ماحابباتقا تۋرالى كىتاپتاردى ۇسىنادى.

ءازىلحان نۇرشايىقوۆ، «ماحاببات قىزىق مول جىلدار». بۇل تۋىندى 1970 -جىلى جارىق كورگەن. شىعارمادا سوعىستان قايتىپ، وقۋعا ورالعان ەربول مەن مەڭتايدىڭ ماحابباتى، ستۋدەنتتىك ءومىرى باياندالادى.

ءسابيت مۇقانوۆ، «ءمولدىر ماحاببات». بۇل رومان دا سوعىستىڭ اۋىر كەزەڭىندە بۇرشىك اتقان ءمولدىر ماحابباتتى بەينەلەيدى. بۇركىت ەسىمدى ەر ادام مەن ەركەكشورا باتەس اراسىندا ماحاببات ۇشقىنى بولادى.

ءىلياس ەسەنبەرلين، «عاشىقتار». وقيعادا ەكى جاس تۋعان كۇن كەشىندە تانىسىپ، ارتىنشا ماحاببات ءوربيدى. ءمۇسىن ونەرىنىڭ قىر-سىرىن جەتىك بىلەتىن جاس جىگىت ءوز قيالىنداعى ارۋدى تاپقانداي بولىپ قوسىلعاندا، تاعدىر ولاردى ەكىگە ءبولىپ جىبەرەدى. وقيعا سوڭى وقىرمانعا جۇمباق بولىپ قالسىن.

ءازىلحان نۇرشايىقوۆ، «ماڭگىلىك ماحاببات جىرى». بۇل تۋىندىدا جازۋشى ايەلىنىڭ بار جاقسىلىعىن ايتىپ، ماقتايدى. وسى شىعارمادان ءازىلحان اعا مەن حاليما جەڭگەيدىڭ ماڭگىلىك ماحابباتىن بايقاۋعا بولادى.