كەرەك كەڭەس: ءتۇرلى شاي دايىنداۋدىڭ قۇپياسى

استانا. قازاقپارات - شاي - الەم بويىنشا كەڭ تارالعان سۋسىن. ءشولدى باساتىن سۋسىن ىستىق جانە سالقىن كۇيىندە دە سۇرانىسقا يە.

شايعا قاتىستى قازاق اراسىندا ءازىل- شىنى ارالاس اڭگىمە دە ءجيى تاراعان. «شاي ىشپەسەك باسىمىز اۋىرادى»، «قازاقتار اپتاپ ىستىقتا دا شاي ىشەدى» دەپ جاتادى. ءۇي جاعدايىندا قاراپايىم شايدى دا تۇرلىشە دايىنداپ، ۇسىنۋعا بولادى.

«تاشكەنت شايى» نە جالبىز قوسىلعان شايدى دايارلاۋ ءۇشىن جالبىز، بال، قانت نە ناۋات، ليمون قاجەت بولادى. شاينەككە تۇيىرشىكتەلگەن قارا شاي مەن جالبىزدى سالىپ، ۇستىنەن بال قۇياسىز. ونىڭ ۇستىنە ناۋات، ليمون سالىپ، ىستىق سۋ قۇياسىز. شايدىڭ ەرەكشە ءدامى شىعۋ ءۇشىن 1-2 مينۋت دەمدەپ الاسىز.

جاز ايىندا قاتتى تانىمال شايدىڭ تاعى ءبىر ءتۇرى - جەمىس- جيدەكتى شاي. قۇلپىناي، ليمون، تاڭقۋراي سىندى وزىڭىزگە ۇنايتىن ءتۇرلى جيدەكتەردى دايارلاپ الاسىز. ودان سوڭ شاينەككە تۇيىرشىكتەلگەن شاي مەن جيدەكتەردى سالىپ، ءدام بەرۋگە ارنالعان ارنايى سۋسىندى 1 شاي قاسىق پەن ىستىق سۋدى قۇياسىز. ءوز قالاۋىڭىزشا بال مەن قانتتى قوسۋعا بولادى.

قازىر قاتتى تانىمال تارى شايدى دا جاساۋ وڭاي. ول ءۇشىن قۋىرىلعان ءارى سۋعا قايناتىلعان تارى قاجەت بولادى. شاي تۇيىرشىكتەرىن شاينەككە سالىپ، ۇستىنە ىستىق ءسۇتتى قۇيىپ، تارىنى سالامىز. دايىن بولعان سۇيىقتىققا ىستىق سۋ قۇيىپ، دامىنە قاراي بال قوسامىز. وسىلايشا حيت بولعان تارى شايىن كوپكە ۇسىنۋعا بولادى.