كۇردىستاننىڭ جۇمىسشى پارتياسى يراكتا ءوز ەركىمەن قارۋىن تاستادى

استانا. KAZINFORM - تۇركيادا تىيىم سالىنعان كۇردىستاننىڭ جۇمىسشى پارتياسى (ك ج پ) سولتۇستىك يراكتاعى ءراسىم كەزىندە ءوز جاۋىنگەرلەرىنىڭ ءوز ەرىكتەرىمەن قارۋلارىن تاستاپ، ونى «جاعىپ» جىبەرگەنىن راستادى، دەپ جازادى رەسەيلىك ت ا س س.

بۇل تۋرالى تۇركيانىڭ halk TV جانە كۇردتەردىڭ Rudaw ارناسى حابارلاعان.

- ءبىز مۇندا ك ج پ كوشباسشىسى ابدۋللا ودجالاننىڭ 2025-جىلدىڭ 19-ماۋسىمىنداعى ۇندەۋىنە وراي كەلدىك. سونداي-اق ءبىزدىڭ كەلۋىمىزگە ك ج پ- نىڭ 5-7-مامىردا وتكەن 12-سەزىنىڭ شەشىمى دە نەگىز بولدى. ءبىز بۇگىن قارۋدى ءوز ەركىمىزبەن جويىپ وتىرمىز. ءبىزدىڭ بۇل قادامىمىز حالقىمىزعا، اسىرەسە ايەلدەر مەن جاستارعا، تۇركيا مەن تاياۋ شىعىس حالقىنا، جالپى ادامزاتقا پايداسىن تيگىزەدى دەگەن ۇمىتتەمىز. ءبىز وڭىرلىك جانە الەمدىك دەرجاۆالاردى ءبىزدىڭ حالقىمىزدىڭ زاڭدى، دەموكراتيالىق قۇقىقتارىن سىيلاۋعا جانە بەيبىت، دەموكراتيالىق رەتتەۋ پروتسەسىن قولداۋعا شاقىرامىز، - دەپ كەلتىردى پارتيانىڭ مالىمدەمەسىن تەلەارنالار.

وسىعان دەيىن كۇردىستاننىڭ جۇمىسشى پارتياسىنىڭ وكىلدەرى يراكتا قارۋلارىن تاپسىراتىنى تۋرالى جازعان بولاتىنبىز.