زاكارپاتە وبلىسىندا 128-بريگادا اسكەرىنىڭ جاپپاي قازا تابۋىنا بايلانىستى ءۇش كۇندىك قارالى كۇن جاريالاندى. وعان رەسەي مەرەكەلىك ماراپاتتاۋ كەزىندە شابۋىل جاساعان. Kazinform بۇل تۋرالى ۋكراينسكايا پراۆدا باسىلىمىنا سىلتەمە جاساپ حابارلايدى.
وبلىس باسشىسى ۆيكتور مىكىتا 6-قاراشادا زاكارپاتە اۋماعىندا ءۇش كۇندىك وبلىستىق قارالى كۇن جاريالاناتىنىن ايتتى.
«وڭىردە اسكەري مىندەتىن ورىنداۋ كەزىندە باۋىرلارىمىز، 128-بريگادا ساربازدارى مەرت بولدى»، - دەدى ول.
بۇل كۇنى مەملەكەتتىك تۋ تومەن تۇسىرىلەدى، كۇندە تاڭەرتەڭ 9:00-دە ساربازداردى ءبىر مينۋت ۇنسىزدىكپەن ەسكە الادى.
ۋكراينا قورعانىس ءمينيسترى سەنبى كەشكە 128-شى جەكە بريگادا ساربازدارىنىڭ قازاسىنا بايلانىستى قورعانىس مينيسترلىگىنىڭ باس ينسپەكسياسىنا تەكسەرىس جۇرگىزۋدى تاپسىردى. سونداي-اق ول مەرت بولعان اسكەريلەردىڭ وتباسىنا كوڭىل ايتتى.
كەيىنگى دەرەكتەر بويىنشا، شابۋىلدان 28 سارباز قازا تاپقان.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан