استانا. KAZINFORM - ۋكراينانىڭ ودەسسا جانە حاركوۆ وبلىستارىنداعى جاعدايدىڭ شيەلەنىسۋىنە جانە قاۋىپسىزدىك قاتەرىنىڭ ارتۋىنا بايلانىستى قازاقستان رەسپۋبليكاسىنىڭ ۋكرايناداعى ەلشىلىگى قازاقستان ازاماتتارىنا وسى ايماقتاردان كەتۋ مۇمكىندىگىن قاراستىرۋدى ۇسىندى.
«ۋكراينادان قازاقستانعا شىعۋ ءۇشىن قازاقستان رەسپۋبليكاسىنىڭ ازاماتتارى پولشا نەمەسە مولدوۆا ارقىلى وتەتىن جەرۇستى باعىتتارىن، ودان كەيىن كوممەرتسيالىق رەيستەردى پايدالانا الاتىنىن ەسكەرتەمىز»، - دەلىنگەن حابارلامادا.
پولشا ارقىلى كەتكەن جاعدايدا قازاقستان ازاماتتارىندا شەنگەن ۆيزاسى بولۋى كەرەك، مولدوۆا ارقىلى قايتۋ ءۇشىن ۆيزا تالاپ ەتىلمەيتىنى ايتىلعان.
سونىمەن بىرگە، ەلشىلىك بارلىق ازاماتتاردى اۋە شابۋىلى تۋرالى ەسكەرتۋگە نازار اۋدارۋدى جانە دەرەۋ بومبادان قورعاناتىن ورىنعا وتۋگە شاقىرادى.
ەلشىلىكتىڭ بايلانىس تەلەفوندارى: 380444831596 ، 380444891031 .
قازاقستان ازاماتتارىنا ارنالعان سەنىم تەلەفونى (توتەنشە جاعداي كەزىندە): 380673470408 .
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан