ۋكراينا قۇراماسى ەۋرو-2024-تە ەرەكشە قورعالادى
استانا. KAZINFORM –اقپاراتتى گەرمانيا ىشكى ىستەر مينيسترلىگىنىڭ باسشىسى نەنسي فەزەر راستادى، دەپ حابارلايدى Ulyssport.kz.
گەرمانيادا وتەتىن ەۋرو-2024 تۋرنيرىندە فۋتبولدان ۋكراينا ۇلتتىق قۇراماسى ەرەكشە قورعالاتىنى بەلگىلى بولدى.
گەرمانيانىڭ ىشكى ىستەر ءمينيسترى نەنسي فەزەردىڭ ايتۋىنشا، ۋكراينا كومانداسىنا قوسىمشا قاۋىپسىزدىك شارالارى قابىلدانادى.
ارينە، ۋكراينا قۇراماسى قورعالادى. بۇل ءبىز ءۇشىن ەرەكشە سىناق، ءبىز دە وسى كوماندانى ەرەكشە قورعانىسپەن قامتاماسىز ەتۋگە دايىندالىپ جاتىرمىز. باسىندا ايتقانىمداي، ءبىز كەز كەلگەن سسەناريدى كۇتەمىز، ءبىز ۇزاق ۋاقىت دايىندالدىق جانە، ارينە، ۋكرايناداعى وقيعالار، ونىڭ ىشىندە قاۋىپسىزدىكتى قامتاماسىز ەتۋ ماسەلەسىندە ماڭىزدى ءرول اتقارادى، - دەدى فەزەر Bild باسىلىمىنا بەرگەن سۇحباتىندا.
چەمپيونات گەرمانيادا جانە 14-ماۋسىم مەن 14-شىلدە ارالىعىندا ون قالادا وتەدى.