ت ا س س اگەنتتىگىنىڭ حابارلاۋىنشا، مۇنداي پىكىردى ا ق ش پرەزيدەنتىنىڭ ارنايى وكىلى ستيۆ ۋيتكوفف ءبىلدىردى.
- ۋكراينالىقتار جۇمىستىڭ اياقتالعانىن مالىمدەدى، مەن ولارمەن كەلىسەمىن. شىن مانىندە وتكەن دەمالىس كۇندەرى ودان دا ماڭىزدى ىلگەرىلەۋگە قول جەتكىزدىك دەپ ويلايمىن. الداعى بىرنەشە اپتادا نە بولاتىنىن بىلمەيمىن، ءبىراق جەنيەۆاداعى كەزدەسۋدەن كەيىنگى سوڭعى التى-جەتى اپتادا ءبىز، ۋكراينالىقتاردىڭ پىكىرىنشە، سوڭعى ءۇش-ءتورت جىلمەن سالىستىرعاندا كوبىرەك ىلگەرىلەۋگە قول جەتكىزدىك، - دەدى داۆوستا سويلەگەن ا ق ش وكىلى.
ۋيتكوفف رەسەي-ۋكراينا قاقتىعىسىن شەشۋ ءبىر ماسەلەنى شەشۋگە بايلانىستى ەكەنىن اتاپ ءوتتى. ءبىراق ناقتى نە ماسەلە ەكەنىن اشىپ ايتپادى. سونىمەن قاتار ول ا ق ش رەتتەۋ پروتسەسىن ءساتتى اياقتاۋعا مىندەتتەلەتىنىن ايتتى.
- مەنىڭ ويىمشا، ءبىز ايتارلىقتاي ىلگەرىلەۋشىلىككە قول جەتكىزدىك. بۇل پروتسەستىڭ باسىندا ءبىراز شاتاسۋلار بولدى. مەن ماسكەۋگە جيى باردىم، ءبىراق وسى ىلگەرىلەۋگە جەتۋ ءۇشىن وندا بارۋ ماڭىزدى بولدى دەپ ويلايمىن، - دەدى ول.
ارنايى وكىل بۇگىن ماسكەۋگە ۆلاديمير پۋتينمەن كەزدەسۋگە كەتەتىنىن ايتتى. سودان كەيىن ول ابۋ-دابيگە بارادى. وندا رەسەي-ۋكراينا قاقتىعىسىن رەتتەۋ بويىنشا جۇمىس توبى دەڭگەيىندە جيىن وتەدى.
تاراپتار سوڭعى رەت 2025-جىلدىڭ 3-جەلتوقسانىندا كرەملدە كەزدەستى.