جالعىزدىق - ينتەللەكتۋالداردىڭ باستى سەرىگى. بۇل تۇجىرىمدى نەيروبيولوگتار جاساعان. مامانداردىڭ ايتۋىنشا، ادامنىڭ ەشتەڭە ىستەمەي تىنىش وتىراتىن ساتتەرى - ميدىڭ شىنايى جۇمىسقا كىرىسەتىن كەزى. ءدال سول ۋاقىتتا ەڭ مىقتى يدەيالار پايدا بولىپ، جاڭا ءبىلىم مەن داعدىلار وڭاي سىڭەدى، - دەپ حابارلايدى turkystan.kz ءتىلشىسى cnbc.com-عا سىلتەمە جاساپ.
زەرتتەۋلەر كورسەتكەندەي، ۇنەمى ادامداردىڭ اراسىندا ءجۇرۋ، كەرىسىنشە، ميعا اۋىرلىق تۇسىرەدى. مۇنداي ورتادا كورتيزول گورمونى ارتىپ، زياتكەرلىك بەلسەندىلىك تومەندەيدى.
نەيروبيولوگتار كۇنىنە ەڭ كەمى 10 مينۋت جالعىز قالۋعا كەڭەس بەرەدى. بۇل - ميدى «قايتا ىسكە قوسۋدىڭ» ءتيىمدى ءتاسىلى. بۇل تەوريانى Microsoft نەگىزىن قالاۋشى بيلل گەيتس تە قولدايدى: ول جىل سايىن جالعىز ءوزى ورمانعا بارىپ، تىنىشتىقتا وي جيناقتايدى.
قورىتىندى: جالعىزدىق السىزدىك ەمەس، شىعارماشىلىق پەن زياتكەرلىك قۋاتتى ارتتىراتىن كۇش. كۇندەلىكتى قاربالاستا ءسال دە بولسا وزىڭىزگە كەڭىستىك بەرۋدى ۇمىتپاڭىز.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан