كۇنتىزبەدە كوكتەم كەلگەنىمەن كۇن ازىرگە جىلىنا قويمايدى - قازگيدرومەت

استانا. KAZINFORM - قازگيدرومەت سينوپيكتەرى 29- اقپان – 2- ناۋرىز ارالىعىنا ارنالعان ءۇش كۇندىك اۋا رايى بولجامىن جاريالادى.

كۇنتىزبە بويىنشا كوكتەم كەلەدى، ءبىراق قىس كەتە قويمايدى.

قازاقستاننىڭ باسىم بولىگى اۋقىمدى انتيتسيكلوننىڭ ىقپالىندا بولىپ، جاۋىن-شاشىنسىز اۋا رايى ساقتالادى.

وسىعان قاراماستان ەلىمىزدىڭ وڭتۇستىگى مەن سولتۇستىگىنە ەكى تسيكلون اسەر ەتىپ، جاۋىن-شاشىن جاۋادى، جەل كۇشەيەدى.

تەمپەراتۋرالىق فوندا مينۋس ساقتالادى.

تەك قازاقستاننىڭ باتىسىندا عانا كۇندىز تەرمومەتر باعانى 10 گرادۋس جىلىعا دەيىن جوعارىلايدى.