كەنتاۋدا «حيزب-ۋت-تاحرير» ەكسترەميستىك ۇيىمىنىڭ مۇشەلەرى قۇرىقتالدى

استانا. KAZINFORM - تۇركىستان وبلىسىندا ەلدە زايىرلى كونستيتۋتسيالىق قۇرىلىمدى قۇلاتىپ، «شاريعات» نورمالارىن ەنگىزۋدى ماقسات ەتكەن ەكسترەميستىك ۇيىمنىڭ توبى جويىلدى. بۇل تۋرالى Polisia.kz رەسمي سايتى حابارلادى.

ءى ءى م ەكسترەميزمگە قارسى ءىس-قيمىل جونىندەگى ءبولىنىسى ۇلتتىق قاۋىپسىزدىك كوميتەتىنىڭ كومەگىمەن كەنتاۋ قالاسىندا «حيزب-ۋت-تاحرير» ءدىني-ەكسترەميستىك ۇيىمىنىڭ جاسىرىلعان توبىن جويدى.

بۇل ۇيىمنىڭ يدەولوگياسى ەلدە زايىرلى كونستيتۋتسيالىق قۇرىلىمدى قۇلاتىپ، «شاريعات» نورمالارىن ەنگىزۋگە باعىتتالعان. جەدەل-ىزدەستىرۋ ءىس-شارالارى بارىسىندا توپ مۇشەلەرىنىڭ تەرروريزم يدەيالارىن ناسيحاتتاۋ، سونداي-اق ءدىني كوزقاراستى قورلاۋ فاكتىلەرى انىقتالدى.

توپ مۇشەلەرى «حيزب-ۋت-تاحرير» شەتەلدىك راديكالدى ۋاعىزشىلارىنىڭ دارىستەرىن الۋ جانە تاراتۋ ءۇشىن ينتەرنەت-رەسۋرستاردى پايدالانعان. توپ جەتەكشىسى بۇعان دەيىن تىيىم سالىنعان ءدىني-ەكسترەميستىك ۇيىمنىڭ قىزمەتىنە قاتىسقانى ءۇشىن سوتتى بولعان.

«جۇرگىزىلگەن شارالار ناتيجەسىندە 10 كۇدىكتى ۇستالدى. ولاردىڭ تۇرعىلىقتى جەرلەرىن ءتىنتۋ كەزىندە ءدىني-ەكسترەميستىك ادەبيەتتەر مەن باسقا دا زاتتاي دالەلدەمەلەر تاركىلەندى. قازىرگى ۋاقىتتا تەرروريزمدى ناسيحاتتاۋ جانە ءدىني الاۋىزدىقتى قوزدىرۋ بەلگىلەرى بويىنشا سوتقا دەيىنگى تەرگەۋ جۇرگىزىلىپ جاتىر»، - دەلىنگەن حابارلامادا.

بۇعان دەيىن تۇركىستان وبلىسىندا ەكسترەميستىك سيپاتتاعى ماتەريالداردى تاراتقان كۇدىكتى ۇستالعانى حابارلاندى.

اۆتور
ەربول جانات