كۇن بەتىندە ءتورت قۋاتتى الاۋ تىركەلدى

استانا. KAZINFORM - جۇماعا قاراعان ءتۇنى كۇن بەتىندە ءتورت قۋاتتى الاۋ پايدا بولدى. ولاردىڭ ءبىرى ەڭ جوعارى كلاستى ەكەنى انىقتالدى، دەپ حابارلايدى ت ا س س اقپارات اگەنتتىگى.

بۇعان دەيىن X1.3 الاۋى تۋرالى حابارلانعان بولاتىن. عالىمدار ونىڭ كۇشىن ناقتىلادى، جاڭارتىلعان اقپاراتقا سايكەس، «3878 (N16E29) كۇن داقتارى توبىندا 15 مينۋتقا سوزىلاتىن X2.0 الاۋى تىركەلگەن».

قولدانبالى گەوفيزيكا ينستيتۋتىنىڭ مالىمەتىنشە، جۇما كۇنى تۇندە م كلاسىنداعى ءۇش الاۋ تىركەلگەن، ولاردىڭ بىرەۋى ەڭ جوعارى X كلاسىنا جاقىن بولدى.

«1-قاراشادا ماسكەۋ ۋاقىتىمەن ساعات 00:54 تە (استانا ۋاقىتى بويىنشا 03:54) رەنتگەن دياپازونىندا 3878 (N15E26) كۇن داقتارى توبىندا ۇزاقتىعى 55 مينۋت بولاتىن M9.5 الاۋى انىقتالدى. م كلاسىنىڭ تاعى ءبىر الاۋى جۇما كۇنى تاڭەرتەڭ بولدى»، - دەلىنگەن حابارلامادا.

رەنتگەن ساۋلەلەنۋىنىڭ قۋاتىنا بايلانىستى كۇن الاۋى بەس كلاسقا بولىنەدى: A ،B ،C ،M جانە X. ەڭ از A0.0 كلاسى جەر وربيتاسىنداعى 1 شارشى مەترگە 10 نۆت ساۋلەلەنۋ قۋاتىنا سايكەس كەلەدى. كەلەسى ارىپكە وتكەندە قۋات 10 ەسە ارتادى.

ادەتتە الاۋلار كۇن پلازماسىنىڭ شىعارىندىلارىمەن بىرگە جۇرەدى، ولاردىڭ بۇلتتارى جەرگە جەتىپ، ماگنيتتىك داۋىلداردى تۋدىرۋى مۇمكىن.