كەمىندە 300 مىڭ دوللار ينۆەستيتسيا سالعان شەتەلدىكتەرگە قازاقستاندا 10 جىل تۇرۋ مۇمكىندىگى بەرىلەدى
استانا. KAZINFORM - ەلىمىزدە ينۆەستيتسيالىق تارتىمدىلىعىن ارتتىرۋعا جانە ۇزاقمەرزىمدى ىسكەرلىك ارىپتەستىكتى قولداۋعا باعىتتالعان ينۆەستورلىق ۆيزانى الۋ قاعيدالارى بەكىتىلدى. تولىعىراق سىرتقى ىستەر ءمينيسترىنىڭ ورىنباسارى الىبەك قۋانتىروۆ ايتىپ بەردى.
- ەلىمىز ايماقتاعى ەڭ ۇزدىك ينۆەستيتسيالىق احۋالى بار مەملەكەت رەتىندە كەڭىنەن تانىلعان. تاۋەلسىزدىك العان ساتتەن باستاپ قازاقستان 425 ميلليارد ا ق ش دوللارىنان استام تىكەلەي شەتەلدىك ينۆەستيتسيا تارتتى، بۇل ورتالىق ازياداعى بارلىق تىكەلەي شەتەلدىك ينۆەستيتسيا كولەمىنىڭ شامامەن p ىن قۇرايدى، - دەدى الىبەك قۋانتىروۆ «ورتالىق ازيا - قىتاي» ەكىنشى يندۋستريالىق- ينۆەستيتسيالىق ىنتىماقتاستىق فورۋمىندا.
مينيستر ورىنباسارىنىڭ مالىمدەۋىنشە، قازاقستان حالىقارالىق بيزنەسكە تاعى ءبىر قادام جاسادى.
- جۋىردا ەلىمىزدىڭ ينۆەستيتسيالىق تارتىمدىلىعىن ارتتىرۋعا جانە ۇزاقمەرزىمدى ىسكەرلىك ارىپتەستىكتى قولداۋعا باعىتتالعان ينۆەستورلىق ۆيزانى الۋ قاعيدالارى بەكىتىلدى. جاڭا تالاپتارعا سايكەس، قازاقستاندىق كومپانيالاردىڭ جارعىلىق كاپيتالىنا نەمەسە جەرگىلىكتى باعالى قاعازدارعا كەمىندە 300 مىڭ ا ق ش دوللارى كولەمىندە ينۆەستيتسيا سالعان شەتەل ازاماتتارى ينۆەستورلىق ۆيزا الۋ ءۇشىن ەلەكتروندى ءوتىنىش بەرە الادى. بۇل «التىن ۆيزا» كەيىن قازاقستان رەسپۋبليكاسىندا 10 جىلعا دەيىن تۇرۋعا ىقتيارحات الۋعا مۇمكىندىك بەرەدى، - دەپ تولىقتىردى سپيكەر.
بۇعان دەيىن حابارلاعانىمىزداي قازاقستان مەن قىتاي 25 ميلليارد دوللارعا 60 كەلىسىمگە قول قويدى.
بۇگىندە قازاقستان مەن قىتاي ىنتىماقتاستىعى اياسىندا 2,7 ميلليارد دوللار بولاتىن 10 جوبا ىسكە اسىرىلۋ ساتىسىندا. سونىمەن قاتار 4,1 ميلليارد دوللار كولەمىندەگى 8 جوبا ازىرلەنىپ جاتىر.