استانا. KAZINFORM - ۋكراينا پرەزيدەنتى ۆلاديمير زەلەنسكي ۆاشينگتوننىڭ رەسەيمەن كەلىسسوزدىڭ جاڭا كەزەڭىن 17 جانە 18-اقپاندا ا ق ش- تا وتكىزۋ تۋرالى ۇسىنىسىن قابىلدادى. الايدا رەسەيدىڭ بۇل كۇندەر مەن ورىنعا كەلىسۋ-كەلىسپەۋى تۋرالى ازىرگە اقپارات جوق، دەپ حابارلايدى DW اقپارات اگەنتتىگى.
اگەنتتىكتىڭ شامالاۋىنشا، ۋكراينا جانە ا ق ش دەلەگاتسيالارى اراسىنداعى كەلىسسوزدىڭ جاڭا كەزەڭىندە وكىلدەر «كۇردەلى اۋماقتىق ماسەلەگە نازار اۋدارىپ» ، ا ق ش- تىڭ دونباستا بۋفەرلىك «ەركىن ەكونوميكالىق ايماق» قۇرۋ تۋرالى ۇسىنىسىن تالقىلايدى.
زەلەنسكيدىڭ ايتۋىنشا، ەكى تاراپ تا بۇل يدەياعا كۇمانمەن قارايدى.
- ءبىزدىڭ بۇل ماسەلە بويىنشا كوزقاراسىمىز ءارتۇرلى. ءبىز كەلەسى ماسەلە بويىنشا كەلىستىك: كەلەسى كەزدەسۋگە بۇل قالاي كورىنۋى مۇمكىن دەگەن كوزقاراسپەن ورالايىق - دەدى زەلەنسكي Bloomberg اگەنتتىگىنە.
ەسكە سالا كەتسەك، رەسەي، ۋكراينا جانە ا ق ش اراسىنداعى ابۋ-دابيدەگى ءۇشجاقتى كونسۋلتاتسيالاردىڭ ەكىنشى كۇنىندە تاراپتار 314 تۇتقىن الماسۋ تۋرالى كەلىسىمگە كەلدى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.