كلينينگتىك كومپانيا پويىزداردى دۇرىس تازالاماي كەلگەن – ق ت ج

استانا. KAZINFORM - جولاۋشىلاردىڭ تازالىقتىڭ جوقتىعىنا جانە ق ت ج ۆاگوندارىن ۋاقتىلى جيناماۋىنا ءجيى شاعىمدانادى. وسىعان بايلانىستى ماسس-مەديا وكىلدەرىنىڭ قاتىسۋىمەن جەكە تەكسەرىس جۇرگىزىلدى.

تەكسەرۋ كومپانيانىڭ پاۆلودار، استانا، قاراعاندى، پەتروپاۆل، كوكشەتاۋ، قوستاناي جانە باسقا باعىتىندا جۇرەتىن «جولاۋشىلار تاسىمالى» ا ق سولتۇستىك فيليالى پويىزدارىندا كلينينگتىك قىزمەت كورسەتۋ مىندەتتەمەلەرىنىڭ ورىندالماعانىن كورسەتتى.

بۇزۋشىلىقتاردىڭ اراسىندا تازالاۋ ساپاسىنىڭ تومەندىگى، ساپانى باقىلاۋدىڭ بولماۋى، قىزمەتكەرلەردىڭ بىلىكتىلىگىنىڭ جەتكىلىكسىزدىگى، سونداي-اق قۇجاتتاردى بۇرمالاۋ بار.

كلينينگتىك كومپانياعا ايىپپۇل سالىندى. انىقتالعان كەمشىلىكتەر جويىلماعان جاعدايدا شارتتى بۇزۋ ماسەلەسى قارالادى.

سونداي-اق، «جولاۋشىلار تاسىمالى» ا ق سولتۇستىك وڭىرلىك فيليالىنىڭ ديرەكتورىنا، ديرەكتوردىڭ سەرۆيستىك قىزمەت كورسەتۋ جونىندەگى ورىنباسارىنا جانە وندىرىستىك- تەحنيكالىق وقىتۋ جونىندەگى نۇسقاۋشىسىنا پويىزداردى تازالاۋ ساپاسىن باقىلاۋعا جاۋاپتى قاتاڭ سوگىس جاريالاندى.

سونداي-اق، وڭىرلىك فيليال ۋچاسكە باستىعىنىڭ اتقاراتىن لاۋازىمىنا سايكەستىگى قارالادى.

ق ت ج كلينينگتىك قىزمەتتەر ساپاسىزدىعى، پويىزدارداعى تازالىققا بايلانىستى وزگە دە فاكتىلەردى فوتو، اۋديو جانە بەينەماتەريالدارىمەن قوسىپ @Jolaushylar_tasymaly Instagram پاراقشاسىنا (direct) نەمەسە 77767145686 WhatsApp نومىرىنە جىبەرۋگە بولاتىنىن ەسكە سالادى.