كەلىنى ەنەسىنىڭ اشەكەيىن ساتىپ جىبەرىپ، قىلمىستى جاسىرماق بولعان
استانا. KAZINFORM - قوسشى قالاسىنىڭ تۇرعىنى ەنەسىنىڭ التىن جۇزىگىن لومباردقا وتكىزىپ، قۇربىسىنىڭ الدىندا اقشالاي قارىزىنان قۇتىلعان. بۇل تۋرالى اقمولا وبلىسىنىڭ پروكۋراتۋراسىنىڭ باسپا ءسوز قىزمەتى حابارلادى.
كەيىننەن بۇل وقيعانى ول ەنەنسىنەن جاسىرۋ ءۇشىن ۇيىندەگى زاتتاردى شاشىپ، جالعان ۇرلىق ۇيىمداستىرىپ، پوليتسياعا حابارلاعان.
قوسشى قالاسى پروكۋراتۋراسىنىڭ ۇيلەستىرۋىمەن، پوليتسيا ءبولىمى تەرگەۋشىسىنىڭ كاسىبيلىگىنىڭ جانە ءىستى ەگجەي-تەگجەيلى تەرگەپ-تەكسەرۋىنىڭ ناتيجەسىندە وقيعانىڭ شىنايى ءمان-جايى انىقتالدى.
- ناتيجەسىندە ازاماتشا «ن» قىلمىس جاسالعانى تۋرالى كورىنەۋ جالعان ءسوز جەتكىزگەنى ءۇشىن قىلمىستىق كودەكسىنىڭ 419-بابىنىڭ 2-بولىگىمەن قىلمىستىق جاۋاپكەرشىلىككە تارتىلدى، - دەلىنگەن حابارلامادا.
بۇنداي قىلمىس ءۇشىن بەس جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعانى تۋرالى پروكۋراتۋرا ەسكەرتەدى.