كليماتتىڭ وزگەرۋى بۇكىل الەمدەگى داۋىلدىڭ جىلدامدىعىن ارتتىردى

  استانا. KAZINFORM - عالىمدار كليماتتىڭ وزگەرۋى داۋىلدى جىلدامداتادى دەگەن قورىتىندىعا كەلدى: سوڭعى التى جىلدا اتلانتيكالىق داۋىلدىڭ جىلدامدىعى ورتا ەسەپپەن 29 ك م/ساع ارتتى. بۇل مۇحيت سۋلارىنىڭ جىلىنۋىمەن بايلانىستى، دەپ حابارلايدى BILD.

Environmental Research: Climate جۋرنالىندا جاريالانعان زەرتتەۋ 2019 -جىلدان 2023 -جىلعا دەيىن جەل جىلدامدىعىنىڭ ارتۋىنا بايلانىستى 40 داۋىل ساففير- سيمپسون شكالاسى بويىنشا ءبىر ساناتقا كوتەرىلگەنىن كورسەتتى.

- اتلانت مۇحيتىنىڭ تەمپەراتۋراسى سەلسي بويىنشا 2-3 گرادۋسقا، كەي جەرلەردە 4 گرادۋسقا دەيىن جىلىنعان. داۋىلدار جىلى سۋدان ءورشي تۇسەدى، بۇل ونىڭ كۇشىن ارتتىرادى، - دەيدى زەرتتەۋدىڭ جەتەكشى اۆتورى، كليماتتانۋشى دەنيەل گيففورد.

ونىڭ ايتۋىنشا، 5-ساناتتاعى داۋىل 1-ساناتتاعى داۋىلعا قاراعاندا شامامەن 400 ەسە كوپ شىعىن اكەلەدى.

بيىلعى ەڭ جويقىن داۋىلدىڭ قاتارىندا كليماتتىڭ وزگەرۋىنە بايلانىستى 26-39 ك م/ساع كۇشەيگەن بەريل، حەلەن جانە ميلتون داۋىلدارى بار. ا ق ش- تىڭ ۇلتتىق مۇحيت جانە اتموسفەرالىق باسقارماسى كليماتتىڭ وزگەرۋى داۋىلدىڭ ءبىر- بىرىمەن ءوزارا ارەكەتتەسۋىنە دە اسەر ەتەتىنىن اتاپ ءوتتى، مىسالى، تورنادولار سەرياسىن تۋدىرعان ميلتون داۋىلى.