«كليماتتىڭ وزگەرۋى، ساياسي جانە ەكونوميكالىق تۇراقسىزدىق، ەنەرگەتيكالىق جانە ازىق-تۇلىك قاۋىپسىزدىگى، شولەيتتەنۋ، بيوالۋاندىقتى ساقتاۋ، سۋ رەسۋرستارىنىڭ سارقىلۋى سياقتى ماسەلەلەر جاھاندىق سىن-تەگەۋرىنگە اينالىپ كەلەدى»، - دەدى ەكولوگيا ۆيتسە-ءمينيسترى مانسۇر وشۋربايەۆ.
سونداي-اق، ول قازاقستانداعى ىلعالدىڭ %40 سىرتتان كەلەتىن ترانسشەكارالىق وزەندەرگە تاۋەلدى ەكەنىن ەسكە سالدى.
«ەكونوميكالىق ارىپتەستىك جانە دامۋ ۇيىمىنىڭ (OECD - رەد.) مالىمەتى بويىنشا، تابيعات اپاتتارىنان كەلەتىن شىعىن جىلدىق جالپى ىشكى ءونىمنىڭ %2 ىنا تەڭ. كليمات وزگەرىسىنىڭ قازاقستان ەكونوميكاسىنا اسەرى تۋرالى ايتساق، حالىقارالىق ۇيىمدار زەرتتەۋلەرىنىڭ قورىتىندىسى بويىنشا، بۇل شاما 4 ميلليارد ا ق ش دوللارىنا تەڭ»، - دەدى ۆيتسە-مينيستر.