كەلەسى قىسقى ازيا ويىندارى قاي قالادا وتەتىنى بەلگىلى بولدى

استانا. KAZINFORM - ازيا وليمپيادا كەڭەسى كەلەسى IX قىسقى ازيا ويىندارى وتەتىن قالانى اتادى.

سپورتتى دامىتۋ ديرەكسياسىنىڭ باسپا ءسوز قىزمەتى ءمالىم ەتكەندەي، IX قىسقى ازيا ويىندارى 2025-جىلى قىتايدىڭ حاربين قالاسىندا 7- اقپان مەن 14- ناۋرىز ارالىعىندا وتەتىن بولدى.

ازيا وليمپيادا كەڭەسى كەشەندى جارىستى ۇيلەستىرۋشى كوميتەت وكىلدەرىمەن كەزدەسىپ، بويتۇمار، ەمبلەما جانە ۇراندى بەكىتىپ ۇلگەردى. IX باسەكەنىڭ ۇرانى: «قىسقى ارماندار، ازيا ورتالىعىنداعى ماحاببات» (Dreams of Winter ، Love among Asia).

ايتا كەتەيىك، حاربيندە وسىعان دەيىن 1996-جىلى قىسقى ازيا ويىندارى وتكەن. سول كەزدەگى مۇز سارايىنىڭ بىرنەشە الاڭى كەلەسى جىلى دا قولدانىلماق. رەتى بويىنشا Ⅲ ويىندار قازاقستان دەلەگاتسياسى ءۇشىن تابىستى بولدى. ۇلتتىق قۇراما سول جىلى 14 التىن، 9 كۇمىس، 8 قولا (بارلىعى 31) جۇلدەمەن جالپى ەسەپتە جارىس قوجايىنىنان كەيىنگى 2-ساتىعا جايعاسقان.

اۆتوركۇنسۇلتان وتارباي