استانا. قازاقپارات - 2026 -جىلدىڭ 1-قاڭتارىنان ەلىمىزدە جاڭا سالىق كودەكسى كۇشىنە ەنەدى. وسىعان وراي جوعارى وقۋ ورىنداردا اقىلى ءبىلىم الۋ قۇنى ارتا ما؟ بۇگىن سەناتتا ب ا ق وكىلدەرىنىڭ وسى ساۋالىنا عىلىم جانە جوعارى ءبىلىم ۆيتسە-ءمينيسترى گۇلزات كوبەنوۆا جاۋاپ بەردى.
- نەگىزىندە اقىلى بولىمدە ءبىلىم الۋ قۇنىن بەلگىلەۋ جوعارى وقۋ ورىندارىنىڭ قۇزىرەتىنە كىرەدى. دەگەنمەن، ادەتتە وكىلەتتى ورگان جوعارى وقۋ ورىندارىنا اعىمداعى ەكونوميكالىق احۋالدى ەسكەرىپ بارىپ وقۋ قۇنىن بەلگىلەۋگە ۇسىنىس بەرەدى. ەگەر وسى جىلدى الار بولساق، وقۋ قۇنى وتكەن جىلمەن سالىستىرعاندا 5-7 پايىز شاماسىندا عانا كوتەرىلدى، - دەدى گۇلزات كوبەنوۆا.
ونىڭ ايتۋىنشا، اقىلى وقۋ اقىسىنا قاتىستى جوعارى وقۋ ورىندارىنا بەرىلەتىن ۇسىنىستار ازىرگە عىلىم مينيسترلىگىندە تالقىلانباعان.
بۇعان دەيىن ەلىمىزدەگى ج و و-لاردا وقۋ اقىسى قانشا تۇراتىنىن جازعان ەدىك.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан