كەلەسى جىلدان باستاپ تاكسي قىزمەتى وزگەرەدى

استانا. KAZINFORM – ق ر ىشكى ىستەر ءمينيسترىنىڭ ورىنباسارى يگور لەپەحا ءرۋلى وڭ جاقتاعى تاكسي كولىكتەرىنە قاتىستى شەكتەۋ ەنگىزىلەتىنىن ايتتى.

«كولىك ءمينيسترىنىڭ ءتيىستى بۇيرىعى بار، ونىڭ اياسىندا ءرۋلى وڭ جاقتاعى كولىكتەرگە جاپپاي جولاۋشى تاسىمالىمەن اينالىسۋعا تىيىم سالۋ ماسەلەسى قامتىلعان. سونىمەن قاتار تاسىمالداۋ ەرەجەسىن بۇزعانى ءۇشىن اكىمشىلىك جاۋاپكەرشىلىك قاراستىرىلعان. دەگەنمەن، جەكە تاسىمالداۋشىلار بۇل تالاپتاردى ورىنداماي جاتىر. ماسەلەن، پوليتسيا توقتاتقان كەزدە، جولاۋشىلار وسى كولىكتەگى بارلىق ادام تۋىستارى ەكەنىن جانە تويعا بارا جاتقانىن، كولىك جۇرگىزۋشىسىنىڭ تاكسي قىزمەتىنە قاتىسى جوق ەكەنىن ايتىپ، شىندىقتان جالتارادى. بۇل تۇرعىدا پوليتسيا قىزمەتكەرلەرى كولىك يەسى تاكسيدە جۇرگەنىن بىلە تۇرا، ەشتەڭە ىستەي المايدى»، - دەدى ي. لەپەحا پارلامەنت ماجىلىسىندە تىلشىلەر سۇراعىنا جاۋاپ بەرە وتىرىپ.

ونىڭ ايتۋىنشا، ىشكى ىستەر مينيسترلىگى كولىك مينيسترلىگىمەن، InDriver جانە ياندەكس اگرەگاتورلارمەن ءتيىستى مەموراندۋمعا قول قويعان.

«ولار وڭ رۋلدى جانە ەكى ەسىكتى كولىكتەردى تاكسي جۇيەسىندە تىركەۋدەن باس تارتادى. بۇل مەموراندۋمداعى تالاپتار 2025-جىلدىڭ 1-قاڭتارىنان كۇشىنە ەنەدى»، - دەدى ءمينيستردىڭ ورىنباسارى.

بۇدان بۇرىن حابارلانعانداي، بۇگىن ءماجىلىستىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جولاۋشىلاردى اۆتوموبيلمەن تاسىمالداۋ سالاسىنداعى كەيبىر مەملەكەتتىك فۋنكسيالاردى مىندەتتى مۇشەلىككە (قاتىسۋعا) نەگىزدەلگەن ءوزىن-ءوزى رەتتەۋگە بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى.