- ۇلتتىق بانكتىڭ اقشا-كرەديت ساياساتى كوميتەتى بازالىق مولشەرلەمەنى 15,75 پايىزعا دەيىن، ياعني 50 بازيستىك تارماققا تومەندەتۋ تۋرالى شەشىم قابىلدادى. ءبىز ينفلياتسيانىڭ ديناميكاسىن، ونىڭ فاكتورلارىن جانە تاۋەكەلدەر بالانسىن نەگىزگە الىپ شەشىم قابىلدادىق. ينفلياتسيانىڭ ءوسۋ قارقىنى باسەڭدەپ كەلەدى. جىلدىق ينفلياتسيا جىل بويى باياۋلاپ، قىركۇيەكتە %9,3 بولدى. بۇل ۇستامدى قاتاڭ اقشا-كرەديت شارتتارىن ساقتاي وتىرىپ، بۇگىن بازالىق مولشەرلەمە دەڭگەيىن پروپورتسيونال تۇردە تومەندەتۋگە مۇمكىندىك بەردى، - دەدى ت. سۇلەيمەنوۆ.
ونىڭ ايتۋىنشا، ينفلياتسيانىڭ ءوسۋ قارقىنى باسەڭدەگەنى جۇرگىزىلىپ جاتقان اقشا-كرەديت ساياساتىنىڭ وڭ ناتيجەسىن كورسەتەدى. ينفلياتسيانىڭ باياۋلاۋىنا نىعايعان تەڭگە باعامى، ورنىققان تۇتىنۋشىلىق سۇرانىس جانە ۇكىمەتپەن بىرگە ينفلياتسياعا قارسى قابىلدانعان شارالار دا ىقپال ەتىپ وتىر.
- ينفلياتسيانىڭ تومەندەۋىنە قاراماستان، ول نىسانالى دەڭگەيدەن ءالى دە جوعارى، ال تاۋەكەلدەر بالانسى پروينفلياتسيالىق ايماقتا ساقتالىپ وتىر. وسىنداي جاعدايدا ءبىز ۇستامدى قاتاڭ اقشا-كرەديت شارتتارىن ساقتاپ، بايىپتى ءتاسىلدى ۇستانامىز. باستى مىندەتىمىز - ينفلياتسيانى 2027-جىلى 6,5-8,5 پايىز ارالىعىندا تومەندەتىپ، 2028-جىلى ونى 5 پايىزدىق نىسانالى دەڭگەيگە جاقىن تۇراقتاندىرۋ، - دەدى ۇ ب باسشىسى.
وسى ورايدا ول بازالىق مولشەرلەمە بويىنشا الداعى شەشىمدەر ينفلياتسيانىڭ ديناميكاسىنا، پروينفلياتسيالىق تاۋەكەلدەردى باعالاۋعا بايلانىستى بولاتىنىن ايتتى.
بۇعان دەيىن حابارلانعانداي، ق ر ۇلتتىق بانكىنىڭ اقشا-كرەديت ساياساتى كوميتەتى بازالىق مولشەرلەمەنى جىلدىق %15,75 دەڭگەيىندە بەلگىلەۋ تۋرالى شەشىم قابىلدادى.