كەلەر جىلى وزبەكستان ۇكىمەتى حالىقتى الەۋمەتتىك قورعاۋعا 39 ميلليون دوللار باعىتتايدى

تاشكەنت. قازاقپارات - 2025 -جىلى وزبەكستاندىقتاردى الەۋمەتتىك قورعاۋعا جانە كەدەيلىك دەڭگەيىن تومەندەتۋ ءۇشىن مەملەكەتتىك بيۋدجەتتەن 500 ميلليارد سۋم (شامامەن 39 ميلليون دوللار) بولىنەدى.

بۇل تۋرالى وزبەكستان پرەزيدەنتى شاۆكات ميرزيەۆ ولي ماجليس سەناتىنىڭ العاشقى وتىرىسىندا ءمالىم ەتتى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

وزبەكستان باسشىسىنىڭ باسپا ءسوز قىزمەتىنەن ءمالىم ەتكەندەي، قاراجات الەۋمەتتىك از قامتىلعان ازاماتتاردى قولداۋعا جانە «الەۋمەتتىك كارتا» ءبىرىڭعاي جۇيەسىن ىسكە اسىرۋعا باعىتتالادى.

ايتا كەتەيىك، اتالعان جۇيە ارقىلى الەۋمەتتىك قىزمەت پەن كومەكتىڭ 65 ءتۇرى جانە 50-گە جۋىق جەڭىلدىك ۇسىنىلادى.

سونىمەن قاتار، تابىسىنان ايىرىلعاندار مەن دەنساۋلىق جاعدايىنا بايلانىستى ەڭبەككە جارامسىز سانالاتىن تۇرعىنداردى الەۋمەتتىك ساقتاندىرۋ تۋرالى زاڭ قابىلداۋ جوسپارلانىپ وتىر.

توقتالا كەتسەك، كەيىنگى 4 جىلدا وزبەكستانداعى كەدەيلىك دەڭگەيى #- دان - عا تومەندەدى. الداعى ءۇش جىلدا بۇل كورسەتكىشتى %7- عا دەيىن ازايتۋ كوزدەلگەن.

اۆتور

ءاليحان اسقار