«كەلەشەك» باعدارلاماسى: شوتقا جىل سايىن مەملەكەتتىك سىياقى تۇسەدى

استانا. KAZINFORM - «كەلەشەك» باعدارلاماسى ارقىلى اشىلعان شوتتارعا العاشقى كاپيتالدى مەملەكەت قۇيادى.

سونداي- اق جىل سايىن مەملەكەتتىك سىياقى ءتۇسىپ تۇرادى. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك ءمالىم ەتتى.

«كەلەشەك» باعدارلاماسى تۋرالى زاڭ قازىر پارلامەنتتىڭ قاراۋىندا. جىلدىڭ ءبىرىنشى جارتىسىندا قابىلدانادى دەپ جوسپارلاپ وتىرمىز. قىسقاشا ايتىپ وتسەم، اتا- انالار ءار بالاسىنا جەكە شوت اشادى (ەرىكتى تۇردە). ءبىز شوتقا العاشقى كاپيتالدى قۇيامىز (1 ا ە ك - 3450 تەڭگە). سونىمەن قاتار قاراجاتتى تەزدەتىپ جيناۋ جانە ونىڭ كولەمىن ارتتىرۋ ءۇشىن جىل سايىنعى كەپىلدەندىرىلگەن مەملەكەتتىك سىياقى، ەكىنشى دەڭگەيلى بانكتەر مەن ءومىردى ساقتاندىرۋ كومپانيالاردىڭ بارلىق مۇمكىندىگى قاراستىرىلادى»، - دەدى ساياسات نۇربەك ۇكىمەت وتىرىسىنان كەيىن وتكەن باسپا ءسوز ءماسليحاتىندا.

ءمينيستردىڭ ەسەپتەۋىنشە، اتا- انا شوتقا 3450 تەڭگەدەن (1 ا ە ك) تۇراقتى اقشا سالىپ تۇرسا، بالاسى 16- 17- كەلگەندە 3,5 - 4 ميلليون تەڭگە جينالادى. قوسىمشا مەملەكەتتىڭ كومەگى بار.

«جيناقتاۋ سوماسى اتا- انانىڭ ەركىندە، قانشا سوما قۇياتىنىن ءوزى بىلەدى. ەگەر بالا اقىلى وقۋعا تۇسسە جينالعان قارجى بىلىمىنە تولەنەدى، ال گرانتقا تۇسسە، شوتتاعى اقشانى تۇرعىن ءۇي الۋعا جۇمساي الادى. ال كوپبالالى وتباسى بولسا شوتتاعى قاراجاتتى ءىنى- قارىنداسىنا بەرە الادى»، - دەيدى ۆەدومستۆو باسشىسى.

بۇعان دەيىن س. نۇربەك «كەلەشەك» باعدارلاماسىنا ەلىمىزدەگى بارلىق بانكتىڭ قاتىسا الاتىنىن ايتقان ەدى.

ەسكە سالا كەتسەك، وتكەن جىلى مەملەكەت باسشىسى قاسىم-جومارت توقايەۆ حالىققا جولداۋىندا 5 جاستان اسقان بالالارعا ارنالعان «كەلەشەك» اتتى ءبىرىڭعاي ەرىكتى جيناقتاۋ جۇيەسىن ەنگىزۋدى تاپسىرعان ەدى.