كۇشتى جەل: قاراعاندى وبلىسىندا 60 تان استام عيماراتتىڭ شاتىرى مەن قاپتامالارى زاقىمداندى
قاراعاندى وبلىسىندا جارتى تاۋلىك ىشىندە قاتتى جەل 60 تان استام عيماراتتىڭ شاتىرى مەن قاپتاماسىن زاقىمدادى. قازىرگى ۋاقىتتا كوشەلەردى تازالاۋ جانە ەلەكتر جەلىسىن قالپىنا كەلتىرۋ جۇمىستارى ءجۇرىپ جاتىر، دەپ حابارلايدى قازاقپارات اگەنتتىگىنىڭ ءتىلشىسى.
قاراعاندى وبلىسى توتەنشە جاعدايلار دەپارتامەنتىنىڭ دەرەكتەرى بويىنشا 18-قاراشا ساعات 15:55 تەن 19-قاراشا ساعات 9:00 گە دەيىن جەلدىڭ ەكپىنى 61 عيماراتتىڭ توبەسى مەن قاپتاماسىن جۇلىپ الىپ، قيراتقان. زارداپ شەككەندەر جوق.
سونداي-اق، قاراعاندىدا ەلەكتر سىمدارىنىڭ ءۇزىلۋى تىركەلدى. ناتيجەسىندە قالانىڭ ءبىر بولىگى جارىقسىز قالدى.
«قالانىڭ كىرەبەرىس بولىكتەرىندەگى قۇلاعان شاتىرلار، اعاشتار، جارىقتاندىرۋ تىرەكتەرى بىردەن جيناپ تاستالدى. ءبىز اۋماقتى تازارتۋ جۇمىستارىن جۇرگىزىپ جاتىرمىز، اعاشتاردى كەسىپ تاستايمىز، تىرەكتەردى الىپ تاستايمىز، ايالداما پاۆيلوندارىن رەتكە كەلتىرەمىز، ءبارىن تەز ارادا جويامىز. ەلەكتر ەنەرگياسىنا كەلەتىن بولساق. قاتتى جەلدىڭ سالدارىنان قالا ءىشىنارا ەلەكتر قۋاتىنسىز قالدى. كەشە قالانىڭ باسىم بولىگىن گوگول، لوبودا، نازاربايەۆ، ەرۋبايەۆ، اباي، ساتبايەۆ، جامبىل جانە ت. ب. كوشەلەرى جارىقسىز قالدى. وسى ۋاقىتتا ەلەكتر قۋاتىنسىز وتىرعان شاعىن اۋداندار مەن كوشەلەر: ۆوستوك-5, كوگىلدىر توعاندار، شاحتەرسكي ش/ا، موتورنايا، وليمپييسكايا، قازاقستان، رىنوچنايا، ارمەيسكايا، كومۋنالنايا، يتەروۆسكايا، يسكرى، رۋدنينسكايا، ۋسپەنسكايا، درۋجبى، سوچينسكايا، لوكوموتيۆنايا، ترەتياكوۆكا، جەلەزنودوروجنايا، پاۆلەنكو، شاۋميانا كوشەلەرى. قاراعاندى جارىق ماماندارى اقاۋ شىققان جەرلەردە جۇمىستار جۇرگىزىپ جاتىر. جاعدايدى جەكە باقىلاۋىمدا ۇستايمىن»، - دەدى قاراعاندى اكىمى مەيرام كوجۋحوۆ.
ەلەكتر ەنەرگياسىنىڭ اجىراۋىنا بايلانىستى سۇرىپتاۋدا، جۇمىسشىلار كەنتىندە جانە كومپانەيسكىدە سورعى ستانسيالارى جۇمىس ىستەمەدى. داۋىلدان بىرنەشە ساعات وتكەن سوڭ، سورعى ستانتسيالارىنداعى اقاۋلار جويىلدى.
سورعى ستانسياسىندا كەرنەۋدىڭ بولماۋىنا بايلانىستى ۆوستوك - 1، 2، 4-شاعىن اۋداندارى جىلۋمەن جابدىقتاۋدىڭ تومەنگى رەجيمىنە اۋىستىرىلدى. ءبىراق قازىرگى ۋاقىتتا ەلەكترمەن جابدىقتاۋ قالىپقا كەلتىرىلىپ، ۇيلەرگە جىلۋ تولىق كولەمدە بەرىلىپ جاتىر.
19-قاراشادا وبلىستا قار، تۇمان جانە كوكتايعاق بولۋى ىقتيمال. وسىعان بايلانىستى تھتەنشە جاعدايلار دەپارتامەنتى وبلىستىڭ بارلىق تۇرعىندارىنا جەل كۇشەيگەن كەزدە قاۋىپسىزدىك ەرەجەلەرىن قاتاڭ ساقتاۋدى جانە اسا قاجەت بولماعان جاعدايدا كوشەگە جانە ەلدى مەكەندەردەن تىس جەرلەرگە شىقپاۋ كەرەكتىگىن ەسكەرتەدى. ت ج د رەسمي پاراقشاسىندا جانە بۇقارالىق اقپارات قۇرالدارىندا اۋا-رايىنىڭ وزگەرۋىن، وبلىس جولدارىنداعى قوزعالىس جايلى حابارلامالاردى نازارعا الۋ كەرەكتىگى ايتىلدى.