كۇدىكتى 15 مينۋتتا تابىلدى: الماتى پوليتسياسى ۇلتتىق بەينەباقىلاۋ جۇيەسىن ەنگىزەدى
الماتى. KAZINFORM - الماتى قالاسىنىڭ پوليتسيا دەپارتامەنتى جەرگىلىكتى اتقارۋشى ورگاندارمەن بىرلەسىپ ۇلتتىق بەينەباقىلاۋ جۇيەسىن ەنگىزۋگە دايىندىق جۇمىستارىن باستادى.
پوليتسيا دەپارتامەنتىنىڭ مالىمەتىنشە، بۇگىنگى تاڭدا قالالىق بەينەباقىلاۋ جۇيەسىن ناقتى ۋاقىت رەجيمىندە باسقارۋعا، بولىپ جاتقان وقيعالارعا جەدەل دەن قويۋعا، سونداي-اق ادامدى تانۋ فۋنكتسيالارىن جۇزەگە اسىرۋعا مۇمكىندىك بەرەتىن ءبىرىڭعاي اقپاراتتىق بەينەباقىلاۋ پلاتفورماسى قۇرىلعان. جۇيە دەپارتامەنتتىڭ جەدەل باسقارۋ ورتالىعىنىڭ وقيعا كارتاسىمەن بىرىكتىرىلگەن.
- قىزمەتتىك اناليتيكانى پايدالانۋ - جاساندى ينتەللەكت ارقىلى قاۋىپسىزدىكتىڭ جاڭا ستاندارتى جانە ۇلتتىق بەينەباقىلاۋ جۇيەسىن قۇرۋ جولىنداعى ماڭىزدى قادام.
كامەراارالىق باقىلاۋ فۋنكتسياسى ىزدەۋدە جۇرگەن ادامداردىڭ عانا ەمەس، كولىكتەردىڭ دە قوزعالىسىن باقىلاۋعا مۇمكىندىك بەرەدى.
جالپى العاندا، جۇيە كولىك قوزعالىسىن باقىلايدى، «كورسەتىلگەن» نىسانداردى ىزدەيدى، اۆتوتۇراق ەرەجەلەرىن بۇزۋدى جانە قورعالاتىن اۋماققا كىرۋدى تىركەيدى، - دەپ حابارلادى پد باسپا ءسوز قىزمەتى.
جۇيەنىڭ تاعى ءبىر ەرەكشەلىگى - قاجەت بولعان جاعدايدا جەكە ادامداردى انىقتاي الادى.
مىسالى، 2024 -جىلدىڭ ناۋرىز ايىندا ادامدى تانۋ جۇيەسىنە ۇرلىق جاساعانى ءۇشىن كۇدىكتى بولعان ا. ەسىمدى ازاماتتى تىركەگەن. ناتيجەسىندە كۇدىكتى وقيعا بولعان ساتتەن باستاپ 15 مينۋت ىشىندە ۇستالدى.
جالپى وسى جىلى بەت-الپەتتى تانۋ جۇيەسىنىڭ كومەگىمەن 9 قىلمىسكەر انىقتالىپ، ۇستالعان.
2023 -جىلى كۇزەت جانە ءورت دابىلدارىن جاڭعىرتۋ جوباسى اياسىندا قالالىق ءبىلىم بەرۋ نىساندارىندا 21 مىڭنان استام بەينەكامەرا اۋىستىرىلىپ، دۇربەلەڭ تۇيمەلەرى مەن تۋرنيكەت ورناتىلدى.
بۇل قۇرىلعىلاردىڭ بارلىعى ءبىرىڭعاي بەينەباقىلاۋ جۇيەسىمەن بىرىكتىرىلگەن.
بيىل جىل سوڭىنا دەيىن ءبىرىڭعاي بەينەمونيتورينگ جۇيەسىنە 10 مىڭعا جۋىق قالالىق بەينەكامەرانى قوسۋ جوسپارلانىپ وتىر.
اۆتور
دوسبول اتاجان